កំណត់សម្គាល់៖

• * មុខងារ AI ដែលបានរៀបរាប់នៅលើទំព័រនេះ អាចនឹងមិនទាន់មានបញ្ចូលក្នុងជំនាន់កម្មវិធីនៅពេលចេញលក់ដំបូងឡើយ។ សម្រាប់បណ្តាប្រទេស និងតំបន់មួយចំនួន មុខងារ AI ទាំងនេះនឹងត្រូវធ្វើបច្ចុប្បន្នភាពតាមរយៈ OTA។ សូមយោងតាមមុខងារដែលមាននៅក្នុងជំនាន់ជាក់ស្តែង។
• * ការចូលប្រើប្រាស់គណនី អាចនឹងត្រូវបានតម្រូវ ដើម្បីប្រើប្រាស់មុខងារ OPPO AI មួយចំនួន។
• * មុខងារ OPPO AI នឹងមានភាពខុសប្លែកគ្នាទៅតាមច្បាប់ក្នុងតំបន់ និងសមត្ថភាពនៃប្រព័ន្ធCloud នៅតាមទីតាំងរបស់អ្នកប្រើប្រាស់។ អ្នកចាំបាច់ត្រូវមានការភ្ជាប់អ៊ីនធឺណិត ដើម្បីប្រើប្រាស់មុខងារដែលពាក់ព័ន្ធនឹង AI ទាំងនេះ។
• * មុខងារ OPPO AI ដែលត្រូវបានបង្ហាញនៅលើទំព័រផលិតផលក្នុងគេហទំព័រនេះ (រួមបញ្ចូល ប៉ុន្តែមិនកំណត់ UI និងរូបភាពផ្ទៃខាងក្រោយឡើយ) គឺប្រើសម្រាប់តែគោលបំណងបង្ហាញពីមុខងារប៉ុណ្ណោះ។ មុខងារទាំងនេះគឺជាផ្នែកមួយនៃជំនាន់កម្មវិធីផ្សេងៗគ្នា ហើយអាចមានការប្រែប្រួលទៅតាមពេលវេលា និងទីកន្លែង (តំបន់) នៃការដាក់ឱ្យប្រើប្រាស់កម្មវិធីទាំងនោះ។ សូមយោងតាមមុខងារ និងទំព័រនៅក្នុងជំនាន់កម្មវិធីដែលអ្នកកំពុងប្រើប្រាស់។
• * រូបភាពផលិតផលគឺសម្រាប់ជាឯកសារយោងតែប៉ុណ្ណោះ សូមយោងតាមផលិតផលជាក់ស្តែង។ លក្ខណៈបច្ចេកទេស និងការពិពណ៌នាអំពីផលិតផលមួយចំនួនអាចនឹងមានការផ្លាស់ប្តូរ ដោយសារមូលហេតុផ្សេងៗដូចជាការផ្លាស់ប្តូរអ្នកផ្គត់ផ្គង់ ឬក្រុមហ៊ុនផលិតជាដើម។ ទិន្នន័យនៅលើទំព័រនេះត្រូវបានផ្តល់ដោយប៉ារ៉ាម៉ែត្របច្ចេកទេសដែលរចនាឡើងដោយ OPPO ហើយទិន្នន័យតេស្តត្រូវបានប្រមូលចេញពីមន្ទីរពិសោធន៍ និងអ្នកផ្គត់ផ្គង់។ ក្នុងស្ថានភាពជាក់ស្តែង ទិន្នន័យនឹងមានភាពខុសគ្នាបន្តិចបន្តួច ដែលអាស្រ័យលើជំនាន់កម្មវិធីតេស្ត បរិយាកាសនៃការតេស្តជាក់លាក់ និងជំនាន់ជាក់លាក់។

1. តម្លៃថាមពលថ្មមធ្យម (typical value) គឺស្មើនឹង 7000mAh និងតម្លៃថាមពលថ្មអប្បបរមា (Rated value) គឺស្មើនឹង 6830mAh។ រាល់ការអះអាងអំពីថាមពលថ្មគឺអាស្រ័យលើការកំណត់រចនាសម្ព័ន្ធបណ្តាញ និងកត្តាផ្សេងៗជាច្រើនទៀត ដូច្នេះលទ្ធផលជាក់ស្តែងនឹងមានភាពខុសគ្នា។ ម៉ាកសញ្ញា និងនិមិត្តសញ្ញា SUPERVOOC_TM គឺជាពាណិជ្ជសញ្ញាកម្មសិទ្ធិរបស់ក្រុមហ៊ុន Guangdong OPPO Mobile Telecommunications Corp., Ltd.។ នៅពេលកម្លាំងវ៉ុលបញ្ចូលចរន្តអគ្គិសនីស្ថិតក្នុងចន្លោះ 100-240V កម្លាំងបញ្ចេញថាមពលអតិបរមាគឺ 45W។ កម្លាំងបញ្ចេញថាមពលអតិបរមាអាចនឹងមិនដល់ 45W ឡើយ ដោយអាស្រ័យលើការបញ្ចូលវ៉ុលខុសៗគ្នានៅតាមតំបន់នីមួយៗ។
2. OPPO A6 គាំទ្រកម្រិតការពារទឹក និងធូលី IP66/IP68/IP69 ដែលអាចការពារការជះទឹក ការជ្រាបទឹក និងធូលីក្នុងការប្រើប្រាស់ធម្មតា។ ក្រោមលក្ខខណ្ឌមន្ទីរពិសោធន៍ដែលត្រូវបានគ្រប់គ្រង ឧបករណ៍នេះត្រូវបានធ្វើតេស្តជាប់កម្រិត IP66/IP68/IP69 យោងតាមស្តង់ដារ GB/T 4208-2017 (ចិន) / IEC 60529 (អន្តរជាតិ)។ លក្ខខណ្ឌការពារទឹក IP68/IP69 មានដូចជា៖ [IP68] ទូរស័ព្ទត្រូវបានជ្រមុជក្នុងទឹកដែលនៅនឹង ជម្រៅ 1.5 ម៉ែត្រ រយៈពេល 30 នាទី ដោយភាពខុសគ្នានៃសីតុណ្ហភាពរវាងទឹក និងផលិតផលមិនលើសពី 5°C។ [IP69] ឧបករណ៍ក៏អាចទប់ទល់នឹងការបាញ់ទឹកខ្លាំងជាបន្តបន្ទាប់ក្នុងសីតុណ្ហភាព 80±5°C និងកម្លាំង 15±1 L/min រយៈពេល 2 នាទី (រហូតដល់ 30 វិនាទីក្នុងមុំបាញ់នីមួយៗ 0º, 30º, 60º, និង 90º)។ មុខងារការពារការជះទឹក ការពារទឹក និងធូលី អាចនឹងថយចុះដោយសារការសឹកតាមការប្រើប្រាស់ប្រចាំថ្ងៃ។ សូមកុំសាកថ្មទូរស័ព្ទក្នុងស្ថានភាពសើម។ រាល់ការខូចខាតដែលបណ្តាលមកពីការជ្រាបទឹក នឹងមិនត្រូវបានរាប់បញ្ចូលក្នុងលក្ខខណ្ឌធានានោះទេ។
   មិនមានការការពារប្រឆាំងនឹងទឹកប្រៃ និងសារធាតុរាវផ្សេងទៀតឡើយជាពិសេសទឹកសាប៊ូ និងអាល់កុល។ ខ្នាតដាក់ស៊ីមកាត (SIM card holder) ត្រូវតែបិទឱ្យជិតល្អជាប់នឹងឧបករណ៍ជានិច្ច ដើម្បីការពារកុំឱ្យទឹកជ្រាបចូលតាមរយៈវាបាន។
3. "VC" សំដៅលើ Vapor Chamber
4. ថ្មនឹងរក្សាបាននូវកម្រិតផ្ទុកថាមពលលើសពី 80% បន្ទាប់ពីប្រើប្រាស់បាន 5 ឆ្នាំ យោងតាមការធ្វើតេស្តត្រាប់តាមឥរិយាបថប្រើប្រាស់ប្រចាំថ្ងៃរបស់អ្នកប្រើប្រាស់នៅក្នុងមន្ទីរពិសោធន៍ OPPO (ការសាកថ្មពេញ និងប្រើឱ្យអស់វិញម្តងក្នុងរៀងរាល់ 1.1 ថ្ងៃ)។ ទិន្នន័យនេះទទួលបានពីមន្ទីរពិសោធន៍ OPPO ហើយនឹងមានភាពខុសគ្នាបន្តិចបន្តួច អាស្រ័យលើជំនាន់កម្មវិធីតេស្ត និងបរិយាកាសនៃការតេស្តជាក់លាក់។
5. ទិន្នន័យ និងការពិពណ៌នាទទួលបានពីមន្ទីរពិសោធន៍ OPPO។ លទ្ធផលជាក់ស្តែងអាចមានភាពខុសគ្នា អាស្រ័យលើបរិយាកាស និងទម្លាប់នៃការប្រើប្រាស់ផ្ទាល់ខ្លួន។ សូមយោងតាមបទពិសោធន៍ប្រើប្រាស់ជាក់ស្តែងរបស់អ្នក។ ម៉ាកសញ្ញា និងនិមិត្តសញ្ញា SUPERVOOC_TM គឺជាពាណិជ្ជសញ្ញាកម្មសិទ្ធិរបស់ក្រុមហ៊ុន Guangdong OPPO Mobile Telecommunications Corp., Ltd.។ នៅពេលកម្លាំងវ៉ុលបញ្ចូលចរន្តអគ្គិសនីស្ថិតក្នុងចន្លោះ 100-240V កម្លាំងបញ្ចេញថាមពលអតិបរមាគឺ 45W។ កម្លាំងបញ្ចេញថាមពលអតិបរមាអាចនឹងមិនដល់ 45W ឡើយ ដោយអាស្រ័យលើការបញ្ចូលវ៉ុលខុសៗគ្នានៅតាមតំបន់នីមួយៗ។
6. ទិន្នន័យ និងការពិពណ៌នាទទួលបានពីមន្ទីរពិសោធន៍ OPPO។ លទ្ធផលជាក់ស្តែងអាចមានភាពខុសគ្នា អាស្រ័យលើបរិយាកាស និងទម្លាប់នៃការប្រើប្រាស់ផ្ទាល់ខ្លួន។ សូមយោងតាមបទពិសោធន៍ប្រើប្រាស់ជាក់ស្តែង។
7. OPPO A6 អាចសាកថ្មបកត្រឡប់ទៅឱ្យឧបករណ៍ផ្សេងទៀតបានតាមរយៈរន្ធសាកថ្មរបស់វា ជាមួយនឹងកម្លាំងសាក 5V/1A (MAX)។ មុខងារនេះអាស្រ័យលើ USB-OTG និងការប្រើប្រាស់ខ្សែ C-to-C ជាក់លាក់។ តាមទ្រឹស្ដី រាល់ទូរស័ព្ទ ឬផលិតផលដែលគាំទ្រ OTG ទាំងអស់គឺអាចសាកថ្មបកត្រឡប់បាន ប៉ុន្តែដោយសារសមត្ថភាពបញ្ចេញថាមពល OTG មានភាពខុសគ្នា ការសាកថ្មអាចនឹងមិនជោគជ័យ ឬបង្ហាញថាមានការសាកថ្មតែភាគរយថ្មបែរជាថយចុះ។ សូមយោងតាមការប្រើប្រាស់ជាក់ស្តែង សូមណែនាំឱ្យប្រើខ្សែ C-to-C ផ្លូវការរបស់ OPPO ដើម្បីសុវត្ថិភាព។ ខ្លឹមសារចំណុចប្រទាក់ផលិតផលដែលបានបង្ហាញខាងលើ (រួមទាំង ប៉ុន្តែមិនកំណត់ចំពោះ UI និងផ្ទៃខាងក្រោយ) គឺសម្រាប់បង្ហាញពីមុខងារតែប៉ុណ្ណោះ។ មុខងារទាំងនេះអាស្រ័យលើកំណែកម្មវិធីខុសៗគ្នា ជាមួយនឹងពេលវេលាចេញលក់ និងតំបន់ខុសគ្នា។ សូមយោងតាមកំណែជាក់ស្តែងសម្រាប់មុខងារ និង interface។
8. OPPO A6 ត្រូវបានធ្វើតេស្តលើគំរូឧបករណ៍ ក្រោមលក្ខខណ្ឌមន្ទីរពិសោធន៍ដែលត្រូវបានគ្រប់គ្រង ដើម្បីត្រាប់តាមសេណារីយ៉ូនៃការប្រើប្រាស់ទូទៅ។ ប្រសិទ្ធភាពជាក់ស្តែងអាចមានភាពខុសគ្នា អាស្រ័យលើការប្រើប្រាស់ពិតប្រាកដ។ ការខ្ទាតទឹក មុខងារការពារទឹក និងធូលី មិនមែនស្ថិតស្ថេរជាអចិន្ត្រៃយ៍ឡើយ ហើយវាអាចនឹងថយចុះតាមពេលវេលានៃការប្រើប្រាស់។ កុំសាកថ្មទូរស័ព្ទនៅពេលវាសើម សូមសម្អាត និងជូតវាឱ្យស្ងួតជាបន្ទាន់។ រាល់ការខូចខាតដែលបណ្តាលមកពីការជ្រាបទឹក នឹងមិនត្រូវបានរាប់បញ្ចូលក្នុងលក្ខខណ្ឌធានានោះទេ។
9. អេក្រង់គាំទ្រល្បឿន refresh rate រហូតដល់ 120Hz។ ល្បឿន refresh rate អាចនឹងមានភាពខុសគ្នា អាស្រ័យលើកម្មវិធី និងសេណារីយ៉ូនៃការប្រើប្រាស់ផ្សេងៗគ្នា។ សូមយោងតាមការប្រើប្រាស់ជាក់ស្តែង។
10. ទំហំអេក្រង់ត្រូវបានវាស់តាមអង្កត់ទ្រូង។ ទំហំអេក្រង់របស់ OPPO A6 គឺ 6.75'' ជាទម្រង់ចតុកោណកែងពេញ ប៉ុន្តែផ្ទៃបង្ហាញជាក់ស្តែងគឺមានទំហំតូចជាងនេះ ដោយសារជ្រុងមូល និងរន្ធកាមេរ៉ា។ សូមយោងតាមផលិតផលជាក់ស្តែង។
11. កម្រិតពន្លឺអេក្រង់ត្រូវបានដកស្រង់ចេញពីមន្ទីរពិសោធន៍ OPPO។ ទិន្នន័យជាក់ស្តែងអាចនឹងមានភាពខុសគ្នាបន្តិចបន្តួច អាស្រ័យលើជំនាន់នៃSoftwareសាកល្បង និងបរិយាកាសនៃការធ្វើតេស្តជាក់លាក់។
12. មុខងារពង្រីកអង្គចងចាំ គឺជាការបន្ថែម RAM និម្មិតទៅលើ RAM ដើម។ ដំណើរការនេះត្រូវបានធ្វើឡើងតាមរយៈការបង្កើនប្រសិទ្ធភាពនៃកម្មវិធី (Software Optimization)។
13. ប្រសិទ្ធភាពនៃមុខងារ AI LinkBoost 3.0 អាចនឹងមានភាពខុសគ្នា អាស្រ័យលើច្បាប់តំបន់ ប្រភេទឧបករណ៍ និងបរិយាកាសជុំវិញ។ សូមយោងទៅលើបទពិសោធន៍នៃការប្រើប្រាស់ជាក់ស្តែង។
14. កម្រិតកម្លាំងសំឡេង ត្រូវបានដកស្រង់ចេញពីមន្ទីរពិសោធន៍ OPPO ។ ទិន្នន័យជាក់ស្តែងអាចមានភាពខុសគ្នាបន្តិចបន្តួច អាស្រ័យលើជំនាន់នៃSoftwareសាកល្បង និងបរិយាកាសនៃការធ្វើតេស្តជាក់លាក់។
15. គាំទ្រការបញ្ជាផ្ទាល់លើអេក្រង់ ទោះបីជាពាក់ស្រោមដៃដែលមានកម្រាស់រហូតដល់ 5mm ដូចជាប្រភេទសាច់កប្បាស រោមសត្វ ស្បែកសត្វ និងសម្ភារៈផ្សេងៗទៀត។ នៅពេលប្រើប្រាស់ សូមកុំឱ្យមានចន្លោះទំនេរខ្លាំងរវាងចុងម្រាមដៃ និងស្រោមដៃ ដើម្បីឱ្យអេក្រង់អាចចាប់យកចលនាបានល្អ។ ប្រសិនបើស្រោមដៃក្រាស់ពេក ឬមានចន្លោះទំនេរនៅចុងម្រាមដៃ អេក្រង់អាចនឹងមិនអាចចាប់យកសញ្ញាបញ្ជាបានឡើយ។
16. OPPO A6 មិនត្រូវបានរចនាឡើងសម្រាប់ការជ្រមុជទឹកជ្រៅនោះទេ ហើយប្រសិទ្ធភាពការពារជម្រាបទឹកអាចនឹងថយចុះទៅតាមពេលវេលានៃការប្រើប្រាស់។ យើងសូមណែនាំឱ្យប្រើប្រាស់ស្រោមការពារជម្រាបទឹកបែបអាជីព សម្រាប់ការថតរូបក្រោមទឹក។ សមត្ថភាពការពារជម្រាបទឹកនៃឧបករណ៍នេះ គឺគាំទ្រតែប្រភេទទឹកសាបប៉ុណ្ណោះ (ដូចជា ទឹកអាងហែលទឹក ទឹកទន្លេ និងបឹងទឹកសាប) សូមកុំដាក់ទូរស័ព្ទក្នុងទឹកសមុទ្រដោយគ្មានស្រោមការពារឱ្យសោះ។​ ការថតរូបក្រោមទឹកមិនគួរមានជម្រៅលើសពី 1.5 ម៉ែត្រ និងមិនលើសពី 30 នាទីឡើយ។ រាល់ការខូចខាតដែលបណ្តាលមកពីការជ្រាបទឹក ដោយសារការអនុវត្តមិនត្រឹមត្រូវតាមលក្ខខណ្ឌខាងលើ នឹងមិនត្រូវបានរ៉ាប់រងដោយការធានារបស់ឧបករណ៍នោះទេ។
17. មុខងារនេះត្រូវបានគាំទ្រនៅក្នុង General Mode នៃកាមេរ៉ាក្រោយ
18. ដោយសារកត្តាផ្សេងៗដូចជា ភាពខុសគ្នានៃការបង្កើនប្រសិទ្ធភាពsoftware និងhardware បរិយាកាសបណ្តាញ និងទម្លាប់ប្រើប្រាស់ផ្ទាល់ខ្លួន បទពិសោធន៍ជាក់ស្តែងអាចមានការប្រែប្រួលទៅតាមស្ថានភាពផ្សេងៗគ្នា។ សូមយោងលើការប្រើប្រាស់ជាក់ស្តែង។
19. មុខងារចាក់សោការពារការលួច នឹងចាក់សោអេក្រង់ដោយស្វ័យប្រវត្តិ ប្រសិនបើប្រព័ន្ធរកឃើញថាមាននរណាម្នាក់ដណ្តើមយកឧបករណ៍របស់អ្នក ហើយរត់គេចខ្លួន។ ឧទាហរណ៍៖ ប្រព័ន្ធអាចសម្គាល់ពីការផ្លាស់ប្តូរទីតាំង និងចលនាយ៉ាងរហ័ស ដែលនឹងជម្រុញឱ្យមានការចាក់សោអេក្រង់។ លទ្ធផលនៃការរកឃើញជាក់ស្តែងអាចប្រែប្រួលទៅតាមស្ថានភាព។ មុខងារនេះមិនអាចធានាប្រសិទ្ធភាពបាន 100% ឡើយ ដូច្នេះអ្នកប្រើប្រាស់ចាំបាច់ត្រូវការពារទ្រព្យសម្បត្តិផ្ទាល់ខ្លួន។ ប្រតិបត្តិការដែលងាយរងគ្រោះ រួមមាន៖ ការផ្លាស់ប្តូរពាក្យសម្ងាត់ ការទូទាត់ប្រាក់ ការកំណត់ទូរស័ព្ទឡើងវិញ និងសកម្មភាពផ្សេងៗដែលទាមទារការផ្ទៀងផ្ទាត់អត្តសញ្ញាណផ្ទាល់ខ្លួន។ អ្នកប្រើប្រាស់ត្រូវតែបើកដំណើរការមុខងារនេះដើម្បីប្រើប្រាស់។ បច្ចុប្បន្ន មុខងារនេះគាំទ្រនៅក្នុងបណ្តាប្រទេសដូចជា៖ ឈីលី កូឡុំប៊ី ម៉ិកស៊ិក ប៉េរូ កូស្តារីកា ហុងឌូរ៉ាស អេក្វាឌ័រ ប្រេស៊ីល ឥណ្ឌូនេស៊ី ថៃ ហ្វីលីពីន វៀតណាម ម៉ាឡេស៊ី និងឥណ្ឌា។