Mazkur Maxfiylik eslatmasi xizmatlarimizdan, jumladan, veb-sayt, smartfon yoki taqiladigan qurilma, ilova, onlayn xizmat va boshqa mahsulotlarimizdan (birgalikda “Xizmatlar”, deb yuritiladi) foydalanganingizda, shaxsiy maʼlumotlaringizni qanday olish, foydalanish, oshkor qilish, uzatish, saqlash va aks holda, qayta ishlashimizni tushuntiradi. Xizmatlarimizdan foydalanishdan yoki shaxsiy maʼlumotlaringizni taqdim etishdan oldin bizning maxfiylik amaliyotimizni diqqat bilan oʻqing va tanishib chiqing.

Mazkur Maxfiylik eslatmasiga qoʻshimcha ravishda foydalaniladigan Xizmatlarga qarab maxsus maxfiylik eslatmalari tatbiq etilishi mumkin. Biz har bir holatda sizga tegishli maxfiylik eslatmasini taqdim etamiz.

A boʻlimining umumiy qoidalari qayerda yashashingizdan qatʼi nazar sizga nisbatan tatbiq etiladi. B boʻlimi faqat Yevropa Ittifoqi, Lixtenshteyn, Norvegiya, Buyuk Britaniya yoki Shveytsariyadagi (“Yevropa”) mijozlarga nisbatan tatbiq etiladi.

Mazkur Maxfiylik eslatmasi sizga quyidagilarni tushunishga yordam beradi:

I

Majburiyatlar

• Biz Xizmatlarimizni global miqyosda boshqaramiz va taklif qilamiz. Lekin, Xizmatlarimiz qayerda yashashingizga qarab qisman farq qiladi.
• • OROPE Germany GmbH Nazoratchi sifatida: Agar Yevropada yashasangiz, Germaniya tashkil qilingan Graf-Adolf-Platz 15, 40213 Dusseldorf manzilida roʻyxatga olingan OROPE Germany GmbH mazkur Maxfiylik eslatmasida keltirilganidek, shaxsiy maʼlumotlaringizning qayta ishlanishiga faqat oʻzi javobgardir.
• • Umuman, OPPO Yevropa tashqarisidagi Xizmatlar tomonidan olinadigan shaxsiy maʼlumotlarga aloqador shaxsiy maʼlumotlaringizning qayta ishlanishi uchun javobgar va uni nazorat qiladi hamda maxfiyligingizni himoyalaydi va hurmat qiladi. Shaxsiy maʼlumotlarni mahalliylashtirish talablari tatbiq etiladigan darajada ushbu talablarni bajaramiz. Agar yurisdiksiyangizda shaxsiy maʼlumotlaringizni qanday qayta ishlashimizni yaxshiroq tushunishni xohlasangiz, “Biz bilan aloqa” boʻlimi orqali bizga murojaat qiling.
• Shunday qilib, “OPPO”, “biz” va “bizga” tushunchalari OROPE Germany GmbH yoki qayerda yashashingizga qarab tegishli kompaniyani bildiradi.
• Unutmang, sotuvdan keyingi xizmatlarga aloqador ravishda biz vakolatli ekskluziv distribyutorlar bilan ishlaymiz. Mazkur vakolatli ekskluziv distribyutorlar siz talab qilgan mijozlarga xizmat yoki marketing xizmatlariga aloqador ravishda siz ularga taqdim etadigan shaxsiy maʼlumotlarning qayta ishlanishi uchun javobgardir.

II

Shaxsiy maʼlumotlarni qanday olamiz va qanday turdagi shaxsiy maʼlumotlarni olamiz

• Shaxsiy maʼlumotlar iborasi juda kech tushunchaga ega va aniqlangan yoki aniqlanadigan shaxsga aloqador har qanday axborotni anglatadi. Bu shuni anglatadiki, nafaqat ism yoki manzilingiz kabi sizni bevosita aniqlaydigan maʼlumotlar shaxsiy maʼlumotlar hisoblanadi, balki boshqa axborotlar bilan birlashtirilganida biz foydalanishimiz mumkin boʻlgan, maʼlumotlarni sizga biriktirish imkonini beradigan (masalan, IP manzil) boshqa maʼlumotlar ham shaxsiy maʼlumotlar hisoblanadi.
• Shaxsiy maʼlumotlarni olish kanallarimizga quyidagilar kiradi: 1. siz shaxsiy maʼlumotlaringizni bizga bevosita taqdim etasiz; 2. Xizmatlarimiz bilan munosabatga kirishganingizda biz Xizmatlarimiz yoki biz bilan qanday munosabatga kirishishingiz haqidagi axborot kabi muayyan shaxsiy maʼlumotlarni avtomatik olamiz va/yoki; 3. biz siz haqingizdagi muayyan shaxsiy maʼlumotlarni uchinchi tomonlardan olamiz.
• Biz oladigan shaxsiy maʼlumotlar sizning biz bilan munosabatga kirishish muhitingizga, tanlovlaringizga, jumladan, maxfiylik sozlamalaringiz hamda siz foydalanadigan funksiyalar va Xizmatlarga bogʻliqdir.
• 1. Siz bevosita taqdim etadigan shaxsiy maʼlumotlar
• Bizga qaysi shaxsiy maʼlumotlarni taqdim etishni erkin tanlashingiz mumkin boʻlgan holatda shaxsiy maʼlumotlaringizni bevosita bizga taqdim etishingiz mumkin. Lekin, agar Xizmatlarimizning ishlashi uchun ayrim shaxsiy maʼlumotlar talab qilinsa va shaxsiy maʼlumotlarni taqdim etmaslikni tanlasangiz, biz siz talab qilgan Xizmatlarni taqdim eta olmasligimiz mumkin. Biz sizdan bevosita oladigan shaxsiy maʼlumotlarga, masalan, quyidagilar kirishi mumkin:
• • Agar bizdan Xizmatlarni buyurtma qilsangiz yoki pulli Xizmatdan foydalansangiz: Biz buyurtmangizni qayta ishlash uchun yetkazib berish tafsilotlari, bank hisobi raqami, kredit kartasi maʼlumotlari, billing manzili va tranzaksiyaga doir boshqa moliyaviy axborotlar, buyurtma raqami, ism va kontakt tafsilotlari, xarid/qaytarish/pulni qaytarish yoki boshqa talab va boshqa har qanday aloqa qaydlaringiz haqidagi axborotni olishimiz mumkin.
• • Ijtimoiy tarmoqlardagi hisoblarimizga obuna boʻlganingizda yoki biz bilan boshqa biror usulda muloqotga kirishganingizda: Biz profil haqidagi axborot, kontent va almashilgan maʼlumotlar vaqti tafsilotlari yoki talabingizga javob berish uchun talab qilinadigan boshqa shaxsiy maʼlumotlarni olishimiz mumkin. Biz oladigan maʼlumotlar ijtimoiy tarmoqdagi maxfiylik sozlamalaringizga bogʻliqdir.
• • Kontentni boshqalarga ulashganingizda: Ayrim Xizmatlarimiz sizga boshqalar bilan muloqot qilish va kontent ulashish imkonini beradi. Muloqot qilingan yoki ulashilgan kontent tizimimiz orqali uzatiladi hamda unda saqlanadi.
• • Foydalanuvchi taassurotini oʻrganish dasturimizda registratsiya qilganingizda: Mazkur dasturda qatnashayotganingizda, biz qurilmangiz identifikatori (qurilmani aniqlovchi maʼlumotlar, konfiguratsiya maʼlumotlari, tizim va ilova maʼlumotlari, reklama ID, IP manzil, vaqt mintaqasi), foydalanishingiz haqidagi maʼlumotlar (masalan, mahsulot funksiyasidan foydalanish statistikasi, mahsulotni yangilash statistikasi, shuningdek, ilovani oʻrnatish, oʻchirib tashlash xatoliklar jurnali haqidagi maʼlumotlar), qurilmangiz joylashuvi haqidagi axborotlar (bunday joylashuvni kuzatishga siz alohida ruxsat beradigan darajada) va jurnalingiz haqidagi axborotni (masalan, xizmatdan foydalanish vaqti va foydalanish davomiyligi, xizmatdan foydalanib kiritilgan qidiruv kalit soʻzlari, qayta yoqish, yangilash, xatolik va ishdan chiqishlar kabi qurilma va dastur hodisalari haqidagi axborot) olishimiz mumkin. Bu dastur tarmoqqa ulanishni talab qilishi va ayrim maʼlumotlar faqat Wi-Fi orqali yuklanishi mumkin.
• • Biz shaxsiy maʼlumotlaringizni taqdim etishni soʻrashimiz yoki ularni marketingga aloqador tarzda kabi boshqa holatlarda olishimiz mumkin: Bunday harakatlarga yutuqli oʻyin, kupon yoki boshqa musobaqalarga kirish, biz yoki biznes hamkorlarimiz bizning nomimizdan tashkil qilgan promoaksiya yoki marketing tadbirlarida qatnashish, soʻrovnomalarni toʻldirish yoki biz yoki biznes hamkorlarimiz tashkil qilgan foydalanuvchi forumlarida qatnashish kiradi. Bu holda, biz sizdan ism, manzil, email manzili, telefon raqamingiz va bunday harakatlarga aloqadorligini bildiruvchi boshqa shaxsiy maʼlumotlarni taqdim etishni soʻrashimiz mumkin.
• • Yangiliklarimizga obuna boʻlganingizda: Biz ism, email manzili va reklama xabarlarimiz bilan qanday muloqotga kirishganingiz haqidagi axborotni (masalan, xatni ochgan yoki ochmaganligingiz yoki undagi havola bosgan yoki bosmaganligingiz) olishimiz mumkin.
• • Ayrim yurisdiksiyalarda siz foydalanishingiz mumkin boʻlgan muayyan Xizmatlar uchun bizdan haqiqiy ism tekshiruvini amalga oshirish talab qilinishi mumkin: Bunday holatda, biz toʻliq ism-sharifingiz va davlat tomonidan berilgan ID kartangiz tafsilotlarini ham olishimiz mumkin. Agar bunday shaxsiy maʼlumotlarni taqdim etishni rad etsangiz, biz sizga tegishli Xizmatlarni taqdim eta olmasligimiz mumkin.
• 2. Biz Xizmatlarimizdan foydalanishingizga doir avtomatik ravishda oladigan shaxsiy maʼlumotlar
• Oʻzingiz taqdim etadigan shaxsiy maʼlumotlarga qoʻshimcha ravishda biz Xizmatlarimizdan, xususan, qurilmangizni ishlatganingizda foydalanishingiz haqidagi axborotni ham avtomatik ravishda olishimiz mumkin. Xususan, biz quyidagi shaxsiy maʼlumotlarni olishimiz mumkin:
• • Qurilma haqidagi axborot: Bunga qurilma nomi, qurilma modeli, mintaqa va til sozlamalari, qurilmaning identifikatsiya raqami (IMEI raqami), qurilmaning apparat qismi va holati haqidagi axborot, IP manzil, MAC manzil, operatsion tizim versiyasi hamda Xizmatlarga kirishda ishlatiladigan qurilma sozlamalari kirishi mumkin.
• • Jurnal axboroti: Bunga Xizmatning qachon va qancha muddat ishlatilgani, Xizmat orqali kiritilgan qidiruv jumlalari hamda qurilmangizning xatoliklar jurnali axboroti kirishi mumkin. Smartfoningizdagi Android tizimi va/yoki taqiladigan qurilma shunday ishlab chiqilganki, xatolik yoki ishdan chiqish jurnalingiz bizga ishdan chiqish sababini tahlil qilish imkonini beruvchi hodisa paytida olingan axborotni oʻz ichiga oladi. Bunday axborotlarga ayrim holatlarda telefon raqami, email manzili, Google hisobi, Facebook hisobi va boshqalar kabi shaxsiy maʼlumotlar kirishi mumkin. Lekin, biz ushbu axborotlardan faqat xatoliklar jurnali tahlili uchun foydalanilishi va shaxsni aniqlash va boshqa maqsadlarda foydalanilmasligi uchun xavfsizlik choralarini koʻrdik.
• • Joylashuv axboroti: Bunga qurilmaning GPS signali yaqin-atrofingizdagi Wi-Fi kirish nuqtalari va baza stansiyalari haqidagi axborot, ayrim joylashuvga asoslangan xizmatlarga kirganingizda (masalan, ob-havo ilovasidan foydalanganingizda) qurilma joylashuvi identifikatori va xizmat provayderi identifikatori kirishi mumkin. Biz turli joylashuv axboroti asosida ishlaydigan ilovalarning har birida sizdan joylashuv asosidagi xizmatlarni yoqishni xohlash yoki xohlamasligingizni soʻraymiz. Siz qurilma sozlamalaridan qurilmangiz joylashuv sozlamalarini faolsizlantirishingiz mumkin. Agar joylashuv axborotini faolsizlantirsangiz, sizga Xizmatlarni taqdim etish uchun joylashuv axborotidan foydalanadigan ilovalarning funksional imkoniyatlari buzilishi mumkin.
• • Kamera: Kamera ilovasi normal ishlashini taʼminlash uchun biz boshqaruv maʼlumotlari (masalan, ilovadan necha marta foydalanganingiz, olingan rasmlar soni), olingan rasmlar haqidagi axborot (masalan, yorugʻlik sezgirligi, olingan yuzlar soni) va mobil telefoningizda qolgan boʻsh joy haqidagi axborotni olamiz.
• • Xizmatdan foydalanishingiz haqidagi boshqa axborotlar: Bunga ilova versiyasi yoki foydalanilayotgan brauzer turi, til sozlamasi, IP manzil, qurilma turi, IMEI, kirilgan veb-sayt hamda Xizmatlar orqali taqdim etilgan kontent bilan qanday oʻzaro aloqa qilishingiz kirishi mumkin.
• Agar veb-saytimizga kirsangiz, biz cookie-fayllar va boshqa oʻxshash kuzatuv texnologiyalari orqali shaxsiy maʼlumotlarni qanday avtomatik ravishda olishimiz tafsilotlari uchun quyidagi “Cookie-fayllar va oʻxshash texnologiyalardan qanday foydalanamiz” boʻlimi bilan ham tanishing.
• 3. Biz uchinchi tomonlardan oladigan shaxsiy maʼlumotlar
• Biz uchinchi tomonlardan siz haqingizdagi shaxsiy maʼlumotlarni olishimiz mumkin. Masalan, agar qonunda ruxsat berilsa, biz ommaviy yoki tijoriy manbalardan, jumladan, siz foydalanadigan ijtimoiy tarmoqlardan siz haqingizdagi maʼlumotlarni olishimiz va ularni sizdan olingan yoki sizga aloqador boʻlgan boshqa axborotlar bilan birlashtirishimiz mumkin. Xususan, agar biz bilan ijtimoiy tarmoq sayti yoki tashqi xizmat orqali muloqotga kirishsangiz, masalan, Facebook, Twitter yoki boshqa saytlarda OPPO kontentini yoqtirsangiz, kuzatsangiz yoki ulashsangiz, biz ijtimoiy tarmoqdan axborot, jumladan, profilingiz haqidagi axborot, rasmingiz, ijtimoiy tarmoq hisobingizga aloqador foydalanuvchi ID va siz ijtimoiy tarmoqqa uchinchi tomonlarga ulashishga ruxsat bergan har qanday boshqa axborotni olishimiz mumkin.
• 4. Qurilmangizda mahalliy ravishda qayta ishlanadigan maʼlumot turlari
• Unutmang, shubhalarni oldini olish va maʼlumotlarni qayta ishlash haqida sizni shaffof tarzda xabardor qilish uchun ushbu boʻlimda keltirilgan maʼlumotlar faqat qurilmangizda olinadi va qayta ishlanadi hamda serverlarimizga yuklanmaydi. Shuning uchun, biz bunday maʼlumotlarga kirmaymiz, olmaymiz va boshqa usulda ishlov bermaymiz, shuningdek, boshqa uchinchi tomonga bunday axborotlarni oshkor eta olmaymiz yoki boshqa maqsadlarda foydalana olmaymiz. Bu yana shuni anglatadiki, ushbu maʼlumotlarni qayta ishlash faqat siz tomoningizdan bajariladi va binobarin, ushbu Maxfiylik eslatmasi tomonidan muvofiqlashtirilmaydi. Agar siz bunday maʼlumotlarga nisbatan huquqlaringizdan foydalanmoqchi boʻlsangiz yoki ularni oʻzgartirishni yoki oʻchirib tashlashni xohlasangiz, biz sizga maʼlumotlaringiz bilan qanday ishlashingiz mumkinligi haqida axborot berishdan tashqari yordam bera olmaymiz.
• • Yuz va barmoq izini aniqlash funksiyasidan foydalanganingizda: Bu funksiyalar oldindan yozib olingan yuz yoki barmoq izi axborotingiz bilan qurilmangiz tez qulfdan ochish imkonini beradi. Bu funksiyani faollashtirish uchun siz yuzingiz haqidagi axborotlar yoki turli burchaklar ostida olingan barmoq izi axborotlarini taqdim etishingiz kerak. Bu turdagi axborotlar unikal maxfiy kalit fayl tizimi yordamida shifrlanadi.
• • Suratlar haqidagi axborot: “Suratlar” ilovasi sizga rasm va videolaringizni tartiblash funksiyasini taqdim etish uchun qurilmaning mahalliy rasm va videolarni aniqlash algoritmlaridan foydalanadi. Agar ilovaga joylashuvingiz haqidagi axborotdan foydalanish uchun ruxsat bersangiz, qurilma rasm va video fayllaringiz kenglik va uzunlik axborotini qayd qiladi. Agar suratga olganingizda joylashuv axborotingiz qayd qilinishini xohlamasangiz, uni istalgan paytda qurilma sozlamalarida faolsizlantirishingiz mumkin. Rasm qidirganingizda qurilma texnologiyasi sizga rasmlarni tez ochish imkonini berish uchun qidiruv jumlasiga aloqador rasmlarni moslaydi.
• 5. Boshqa shaxsiy boʻlmagan maʼlumotlar
• Shaxsiy boʻlmagan maʼlumotlarga biror muayyan shaxsga bevosita yoki bilvosita aloqador qilib boʻlmaydigan axborotlar kiradi. Biz jamlangan yoki boshqa usulda anonimlashtirilgan maʼlumotlarni qayta ishlashimiz mumkin.
• Biz shaxsiy boʻlmagan maʼlumotlarni foydalanuvchilar tanlovlarini tushunish, boshqaruv samaradorligimizni oshirish va veb-saytlarimizni va mahsulotdan foydalanish taassurotingizni optimallash uchun olamiz. Agar shaxsiy boʻlmagan maʼlumotlar shaxsiy maʼlumotlar bilan birlashtirilsa, barcha bunday maʼlumotlar shaxsiy maʼlumotlar deb hisoblanadi.

III

Shaxsiy maʼlumotlaringizdan qanday foydalanamiz

• 1. Shaxsiy maʼlumotlaringizdan quyidagi maqsadlarda foydalanamiz:
• • sizga OPPO Xizmatlarini taqdim etish, buyurtmalaringizni qayta ishlash yoki siz va OPPO oʻrtasidagi shartnoma shartlarini bajarish uchun;
  • siz xarid qilgan Xizmatlar, kafolat xizmatingiz va muayyan dastur litsenziyalarini faollashtirish hamda dasturiy yangilanishlar uchun bildirishnomalarni taqdim etish maqsadida;
  • mahsulotlardagi muammolarni diagnostika qilish va boshqa mijozlarga yordam hamda qoʻllab-quvvatlash Xizmatlarini taqdim etish uchun;
  • foydalanuvchi taassurotingizni yaxshilash va xavfsizlik funksiyalari bilan birga Xizmatlarimizni yaxshilash uchun mijozlar oʻrtasida soʻrovnomalar oʻtkazish;
  • foydalanuvchilar Xizmatlarimizdan foydalanadigan mamlakat asosida mijozlar bozorini tahlil qilish uchun;
  • biznes amaliyotlarimiz samaradorligini tahlil qilish uchun;
  • telefon sifati va ilova funksiyalarini yaxshilash uchun xatoliklar jurnalini tahlil qilish uchun;
  • sizga moslangan Xizmatlarni taqdim etish va Xizmatlarimizda sizga moʻljallangan kontent va reklamalarni tavsiya qilish va chiqarish uchun;
  • biz oʻtkazadigan yutuqli oʻyin, tanlov yoki oʻxshash promoaksiya tadbirlarida qatnashishingizga imkon berish va boshqarish uchun;
  • siz bilan muloqot qilish va email yoki onlayn platformalarimiz, jumladan, ijtimoiy tarmoqdagi hisoblar orqali yuborilgan savol yoki fikrlaringizga javob berish uchun;
  • Xizmatlarimizning funksionalligi va xavfsizligini taʼminlash, shaxsingizni tasdiqlash, ichki audit oʻtkazish va firibgarlik, kiberxavfsizlik tahdidlari yoki boshqa nomuvofiq maqsadlarda foydalanilishining oldini olish va tekshirish;
  • mahsulotning funksional taassurotini yaxshilash, mahsulotning foydalanuvchilarga qulayligi, ishlash unumdorligi, funksiyalari va dizaynini yaxshilash kabi Xizmatlarimizni yaxshilash va rivojlantirish uchun;
  • qonuniy daʼvolarni taʼqib qilish yoki himoyalash uchun;
  • qonuniy majburiyatlarimizni bajarish uchun.
• 2. Biz shaxsiy maʼlumotlarni ushbu Maxfiylik eslatmasi bilan qoplanmaydigan boshqa maqsadlarda foydalanishni xohlagan taqdirda, biz sizga bu haqida xabar qilamiz va shaxsiy maʼlumotlaringizdan qonunga muvofiq tarzda foydalanilishini taʼminlaymiz.
• 3. Biz sizga qonuniy taʼsir qiladigan yoki sezilarli taʼsir koʻrsatuvchi boshqa taʼsirlarni keltirib chiqaradigan algoritmlar yoki profillashni ishlatish bilan bogʻliq qarorlar qabul qilmaymiz.

IV

Cookie-fayllar va oʻxshash texnologiyalardan qanday foydalanamiz

• Biz veb-sayt va boshqa Xizmatlarimizda cookie-fayllar va oʻxshash kuzatuv texnologiyalaridan foydalanamiz.
• 1. Cookie-fayllar nima?
• Cookie-fayllar bizning Xizmatlarimizdan uzatilishi mumkin boʻlgan va qurilmangizda saqlanadigan kichik matnli fayllardir. Xizmatlarimiz “cookie-fayllar” hamda pikselli teg va veb-mayoqlar kabi boshqa texnologiyalardan (birgalikda “Cookie-fayllar”) foydalanishi mumkin. Cookie-fayllar kompyuteringizda saqlanishi mumkin. Biz oʻrnatmagan cookie-fayllardan foydalana olmaymiz.
• 2. Cookie-fayllardan qanday foydalanamiz
• Biz va tashqi hamkorlarimiz qurilmangizda mobil dasturimizning ishlashini yaxshiroq tushunish, Xizmatlarimizni yaxshilashda (Xizmatlardan qanchalik tez-tez foydalanishingiz, Xizmatlarimizda yuzaga keladigan hodisalar va ilova qayerdan yuklab olinganligi haqidagi axborotlarni baholash kabi) davom etishimiz uchun ulardan qanday foydalanish va oʻzaro aloqa qilishingizni monitoring va tahlil qilish uchun Cookie-fayllardan foydalanamiz. Biz tahliliy dastur ichida saqlanadigan axborotni mobil ilovalarimizga kiritishingiz mumkin boʻlgan shaxsiy maʼlumotlaringizga biriktirmaymiz.
• Biz va tashqi hamkorlarimiz trendlarni tahlil qilish, veb-saytlarni boshqarish, ushbu veb-saytlarda foydalanuvchi harakatini kuzatish va foydalanuvchilar bazamiz haqidagi umumiy demografik axborotni olish uchun ham Cookie-fayllardan foydalanamiz.
• 3. Biz oladigan shaxsiy maʼlumotlar turlari
• Bu axborotlarga Internet protokol (IP) manzillari, brauzer turi, Internet xizmati provayderi (ISP), o‘tish/chiqish sahifalari, saytimizda ochilgan fayllar (masalan, html sahifalar, grafik fayllar va hokazo), operatsion tizim, sana/vaqt axboroti va/yoki bosishlar haqidagi maʼlumotlar kirishi mumkin.
• 4. Tashqi kuzatuv va onlayn reklama
• Sayt va ilovalarimizda reklamalarimizni chiqarish yoki boshqa saytlardagi reklamalarimizni boshqarish uchun biz uchinchi tomonlar bilan hamkorlik qilamiz. Tashqi hamkorlarimiz brauzerdagi xatti-harakat va qiziqishlaringizga asosan reklamalarni taqdim etish uchun cookie-fayllar yoki shunga oʻxshash kuzatuv texnologiyalaridan foydalanadi. Agar qiziqishga asoslangan reklamadan voz kechishni xohlasangiz, Cookie-fayllarini quyidagi bandda tavsiflanganidek boshqarishingiz mumkin. Unutmang, qiziqishga asoslangan reklamalardan voz kechish siz qurilmada ortiq reklamalarni koʻrmasligingizni anglatmaydi – bu shunchaki reklamalar ortiq qiziqishlaringizga mos kelmasligi mumkinligini bildiradi.
• 5. Cookie-fayllarni tozalash/faolsizlantirish
• Mobil qurilma va operatsion tizimga qarab barcha cookie-fayllarni oʻchirib tashlay yoki bloklay olmasligingiz mumkin. Unutmang, agar barcha cookie-fayllarni rad etishni tanlasangiz, Xizmatlarimizning barcha imkoniyatlaridan foydalana olmasligingiz mumkin. Bu sozlamalarni odatda brauzerning “Parametrlar” yoki “Sozlamalar” menyusidan topish mumkin.
• Muayyan ommabop brauzerlarda cookie-fayllarni qanday boshqarish yuzasidan quyidagi koʻrsatmalarga qarang:
• • Microsoft Internet Explorer
  • Microsoft Edge
  • Mozilla Firefox
  • Google Chrome
  • Safari for macOS
  • Safari for iOS
• Cookie-fayllar tafsilotlari va Cookie-fayllarni qabul qilish, oʻchirish yoki rad etish uchun brauzeringizni qanday sozlash boʻyicha koʻrsatmalar uchun www.allaboutcookies.org veb-saytiga kiring.
• Unutmang, cookie-fayllarni oʻchirib tashlash yoki bloklash HTML5 kabi Mahalliy xotira obyektlari (LSOs) kabi barcha turdagi kuzatuv texnologiyalari uchun samarali boʻlmasligi mumkin.
• Agar brauzeringizda “Kuzatilmasin” funksiyasi yoqilgan boʻlsa, tanlovingizni hurmat qilamiz.
• Qonun bilan talab qilingan hollarda, biz sizga cookie-fayllar haqida qoʻshimcha axborot taqdim etamiz.

V

Shaxsiy maʼlumotlaringizni qancha muddat saqlaymiz

• Biz ushbu shaxsiy maʼlumotlaringizni faqat Maxfiylik eslatmasida keltirilgan olinish maqsadimizga erishgunimizga qadar saqlaymiz. Qonunda uzoqroq saqlash muddati talab qilinadigan holatlar bundan mustasno. Agar qonun boʻyicha shaxsiy maʼlumotlaringiz ushbu muddatdan ortiqroq saqlash (masalan, soliq va tijorat qonunlari sababli) talab qilinsa, biz shaxsiy maʼlumotlarni ushbu saqlash muddati tugaganidan keyin oʻchirib tashlaymiz.
• Yuqorida keltirilgan saqlash muddati tugagach, shaxsiy maʼlumotlaringizni oʻchirib tashlaymiz yoki anonimlashtiramiz.
• Shaxsiy maʼlumotlarni saqlashning tegishli muddatini aniqlash uchun biz shaxsiy maʼlumotlar miqdori, tabiati va shaxsiylik darajasi, shaxsiy maʼlumotlaringizni ruxsatsiz ishlatish va oshkor qilish natijasida yuzaga kelishi mumkin boʻlgan zarar xavfini, shaxsiy maʼlumotlarni qayta ishlashi maqsadlarimizni va amaldagi qonuniy talablarni hisobga olamiz.
• Agar promoaksiya xatlarimizga obuna boʻlganingizdan keyin promoaksiya xatlarimizni olishni bekor qilsangiz, biz shaxsiy maʼlumotlaringizni email manzillari roʻyxatimizdan oʻchirib tashlaymiz. Lekin, biz boshqa hech qanday xat olmasligingizni taʼminlash uchun email manzilingizni bloklanganlarda saqlaymiz.

VI

Shaxsiy maʼlumotlaringizni qanday oshkor qilamiz

• Baʼzan OPPO ayrim shaxsiy maʼlumotlarni sizga Xizmatlarni taqdim etish uchun biz tomonimizdan boshqariladigan yoki biz bilan umumiy nazorat ostida ishlaydigan boshqa kompaniyalar (“Filiallar”) va OPPO bilan ishlaydigan boshqa uchinchi tomonlarga taqdim etishi mumkin. Shaxsiy maʼlumotlaringiz oʻzlarining mustaqil marketing maqsadlarida foydalanishi uchun uchinchi tomonlarga ulashilmaydi.
• • Filiallar: Xizmatlarimizni sizga taqdim etish maqsadlarida shaxsiy maʼlumotlaringiz OPPO Filiallariga ulashilishi mumkin. Agar Filiallar qayta ishlash maqsadini oʻzgartirishni xohlasa, ular roziligingizni soʻraydi. Boshqa qonuniy asoslar boʻlgan holatlar bundan mustasno.
• • Xizmat provayderlari va hamkorlar: Xizmatlarimizning ayrimlari uchinchi tomonlar yordamida taqdim etiladi. Biz sizga yaxshiroq Xizmatni taqdim etish va foydalanuvchi taassurotingizni yaxshilash uchun ayrim shaxsiy maʼlumotlarni xususan, hamkorlarimizga ulashishimiz ham mumkin. Masalan, xavfsizlik markazi ilovasidan foydalanganingizda, telefoningizda viruslarni tekshirish va egallangan xotirani boʻshatish uchun tashqi xizmat provayderlaridan foydalaniladi yoki sizga yaxshilangan mijozlarga xizmatni taqdim etish uchun tashqi xizmat provayderlarini jalb qilamiz. Shuningdek, biz maqsadli reklamalarni aniqlash va xizmat koʻrsatish, pochta xizmatlarini taqdim etish, soliq va buxgalteriya xizmatlarini taqdim etish, tanlovlar oʻtkazish, veb-hosting yoki tahlil xizmatlarni taqdim etish uchun xizmat provayderlarga ishonishimiz mumkin. Har qanday bunday xizmat provayderlari tegishli maʼlumotlarni qayta ishlash kelishuvlariga muvofiq ravishda shaxsiy maʼlumotlarni faqat OPPO nomidan va koʻrsatmalarimiz ostida qayta ishlashga majbur. Bunday xizmat provayderlari mustaqil nazoratchilar sifatida harakat qilgan holatlar bundan mustasno..
• • Xaridorlar va biznes bitimlariga aloqador uchinchi tomonlar: Birlashish, sotib olish, bankrotlikni tugatish yoki shunga oʻxshash harakatlar yuzaga kelganida, biz shaxsiy maʼlumotlaringizni tegishli uchinchi tomonga cheklangan, lekin zarur darajada uzatishimiz yoki oshkor qilishimiz mumkin.
• • Qonuniy sabablarga koʻra huquqni muhofaza qilish organlari, nazorat qiluvchi organlar va boshqa tomonlar: Shuningdek, biz qonunda belgilangan tartibda yoki agar quyidagi holatlarda bunday harakat zarur deb hisoblasak, shaxsiy maʼlumotlaringizni uchinchi tomonlarga oshkor qilishimiz mumkin (a) daʼvo arizasi yoki boshqa sud jarayonlari, sud ishlari yoki davlat idoralarining talablarini bajarish uchun; b) qonunga amal qilish va huquqni muhofaza qilish organlarining asosli talablarini bajarish uchun oshkor qilish zarurligiga vijdonan ishonganimizda; c) qonuniy talablar, huquqlar va mulkimizni himoya qilish va ulardan foydalanish uchun; (d) sizning yoki boshqa shaxsning huquqlari, mulki yoki shaxsiy xavfsizligingizni himoya qilish uchun; (e) firibgarlikni tekshirish va (f) Xizmatlarimiz xavfsizligi yoki yaxlitligini himoya qilish uchun.
• • Ommaviy, agar muayyan ommaviy hududlarda joylansa: Ayrim Xizmatlarimiz sizga boshqalar bilan bogʻlanish va muloqot qilish imkonini beradi. Profil axborotingiz yoki forum yoki blogda siz post qiladigan axborot, jumladan, shaxsiy maʼlumotlar uni yaratganingizda odatiy sozlamalarga koʻra boshqa foydalanuvchilar yoki umumiy omma uchun ochiq boʻladi. Bunday kontentlarga foydalaniladigan Xizmatga qarab umumiy omma yoki Xizmat ishtirokchilari kirishi mumkin.
• • Aks holda rozilik bilan: Biz roziligingiz bilan shaxsiy maʼlumotlaringizni muayyan boshqa uchinchi tomonlarga oshkor qilishimiz mumkin.

VII

Shaxsiy maʼlumotlaringiz dunyo boʻylab qanday yuboriladi

• 1. Biz butun dunyo boʻylab joylashgan server va manbalarimiz orqali Xizmatlarni taqdim etamiz. Biz Fransiya, Singapur, Hindiston va Indoneziyada data-markazlarni tashkil qildik, yaʼni amaldagi qonunchilikka muvofiq shaxsiy maʼlumotlaringiz siz Xizmatlarimizdan foydalanadigan joy tashqarisidagi mamlakat yoki mintaqalarga uzatilishi yoki ularga u yerdan kirilishi mumkin.
• 2. Unutmang, turli mamlakat yoki mintaqalar turli darajadagi maʼlumotlar muhofazasini taklif qiladi. Xususan, bu shaxsiy maʼlumotlaringiz ayrim hollarda siz joylashgan mamlakat yoki mintaqaga qaraganda kamroq himoya darajasini taqdim etadigan mamlakatda saqlanishi mumkinligini anglatishi mumkin. Lekin, bunday holatlarda biz oladigan shaxsiy maʼlumotlar ushbu Maxfiylik eslatmasi va amaldagi qonunlarga muvofiq qayta ishlanishi va shaxsiy maʼlumotlaringiz yetarli darajada himoyalanishi uchun choralar koʻramiz. Masalan, shaxsiy maʼlumotlaringizni chegaralararo uzatilishi uchun sizdan ruxsat soʻrashimiz mumkin va biz yetarli xavfsizlik choralarini (mumkin boʻlgan holatlarda shifrlash, anonimlashtirish kabi) amalga oshiramiz va uzatish amalga oshirilishidan oldin shaxsiy maʼlumotlaringizni oluvchilar bilan maʼlumotlarni uzatish/ulashish yuzasidan kerakli kelishuvlarni imzolaymiz. Xususan, biz muayyan mamlakat yoki mintaqada maʼlumotlarni mahalliy ravishda saqlashni talab qiladigan qonunlarga rioya qilinishini ham taʼminlaymiz.

VIII

Shaxsiy maʼlumotlaringizni qanday himoyalaymiz

• 1. Shaxsiy maʼlumotlaringizning xavfsizligi biz uchun juda muhim. Biz Xizmatimiz bilan aloqador ravishda olingan shaxsiy maʼlumotlarni himoya qilish va ularni tasodifiy yoki qonunga xilof ravishda yoʻq qilish, yoʻqotish, oʻzgartirish, ruxsatsiz oshkor qilish yoki kirishning oldini olish uchun sanoat standartlariga muvofiq asosli amaliy texnik va tashkiliy choralarni koʻrdik. Lekin, shaxsiy maʼlumotlaringizni himoyalash uchun tegishli chora-tadbirlarni ko‘rsak-da, hech qanday veb-sayt, Internet aloqasi, kompyuter tizimlari yoki simsiz aloqa kanali mutlaqo xavfsiz hisoblanmaydi. Xususan:
• • Tegishli joylarda shaxsiy maʼlumotlaringiz asosida boshqa tashkilot va jismoniy shaxslar tomonidan shaxsingizning aniqlanish xavfini kamaytirish uchun shaxsiy maʼlumotlaringizni anonimlashtiramiz. Shaxsiy maʼlumotlaringizga ruxsatsiz kirish, foydalanish yoki oshkor qilinishining (masalan, SSL yordamida koʻplab Xizmatlarni shifrlash uchun) oldini olish uchun saqlash va uzatish paytida toʻliq himoya shifrlanishini amalga oshirishimiz mumkin. Biz turli tizimlarimizga va shaxsiy maʼlumotlaringizga ruxsatsiz kirishning oldini olish uchun shaxsiy maʼlumotlarni olish, saqlash va qayta ishlash (jumladan, jismoniy xavfsizlik choralari) bilan bogʻliq amaliyotlarni muntazam ravishda koʻrib chiqamiz.
  
  • Biz OPPO xodimlari va vakolatli xizmat koʻrsatish kompaniyalarining xodimlarining shaxsiy maʼlumotlarga faqat bunday shaxsiy maʼlumotlarni qayta ishlash yoki tegishli Xizmatlarni sizga taqdim etish uchun zarur boʻlganida kirishiga ruxsat beramiz. Bunday xodim va tashqi xodimlar shartnomadagi maxfiylik talablariga qatʼiy amal qilishga majbur. Agarda ular maxfiylik boʻyicha majburiyatlarini bajarishmasa, javobgarlikka tortilishi va/yoki ular bilan OPPO munosabatlari tugatilishi mumkin.
  
  • Shaxsiy maʼlumotlarning maxsus turkumlarini uzatishda va saqlashda biz uzatilgan kontentni shifrlash kabi qoʻshimcha xavfsizlik choralaridan foydalanamiz. Shuningdek, biz shaxsiy biometrik axborotlaringizning faqat muhim biometrik maʼlumotlarini (yaʼni, qayta ishlanmagan maʼlumotlar, jumladan, yuz/barmoq izingiz haqidagi barcha axborotlar emas, shaxsni individualizatsiya qilish uchun zarur boʻlgan asosiy parametrlar) saqlash maqsadida shaxsiy biometrik axborotlaringizni qayta ishlash uchun texnik chora-tadbirlardan foydalanamiz.
  
  • Biz biznes hamkor va xizmat provayderlarimizni diqqat bilan tanlaymiz va ular shaxsiy maʼlumotlarni himoya qilish uchun yetarli darajada aloqador boʻlishini hamda maxfiylik tekshiruvlari va baholashlaridan oʻtkazilishini taʼminlaymiz.
  
  • Biz xodimlarning xabardorligi va shaxsiy maʼlumotlarni himoya qilish boʻyicha malakasini oshirish uchun xavfsizlik va maxfiylikni himoyalashga doir trening, sinov va boshqa tadbirlarni oʻtkazamiz.
  
  • Biz shaxsiy maʼlumotlaringizni himoyalash uchun xalqaro miqyosda va sohada tan olingan standartlardan foydalanamiz hamda xavfsizlik va maxfiylikni himoyalash boʻyicha tegishli sertifikatlashlardan oʻtamiz.
• 2. Shaxsiy maʼlumotlar xavfsizligiga aloqador hodisa yuz berganda, biz amaldagi qonunchilikka muvofiq ish olib boramiz va kerak boʻlganda har qanday xavfsizlik hodisasi haqida sizni va/yoki maʼlumotlarni himoyalash boʻyicha vakolatli organni xabardor qilamiz va bundan kelib chiqadigan har qanday xavflarni kamaytirish uchun choralar koʻramiz.

IX

Shaxsiy maʼlumotlaringiz yuzasidan huquqlaringiz

• 1. Yurisdiksiyangizdagi amaldagi qonunchilikka binoan, shaxsiy maʼlumotlaringiz yuzasidan muayyan huquqlarga ega boʻlishingiz mumkin. Xususan, bunga quyidagilar kirishi mumkin:
• • Xabardor qilinish huquqi: OPPO shaxsiy maʼlumotlaringiz bilan qanday ishlashimiz va shaxsiy maʼlumotlaringizga nisbatan qanday imkoniyat va huquqlarga ega ekanligingiz haqida sizni xabardor qilish uchun ushbu Maxfiylik eslatmasini nashr qilmoqda.
  
  • Kirish huquqi: Agar shaxsiy maʼlumotlaringizga kirishni xohlasangiz, ayrim Xizmatlarimiz muayyan shaxsiy maʼlumotlaringizni bevosita qidirish yoki ularga kirishingiz mumkin boʻlgan interfeysni taqdim etadi. Shuningdek, bizga “Biz bilan aloqa” boʻlimidan foydalanib murojaat qilish orqali biz siz haqingizda saqlaydigan shaxsiy maʼlumotlar va ularning qayta ishlanishiga doir axborotlarga kirishni talab qilishingiz mumkin.
  
  • Tuzatish huquqi: Agar biz siz haqingizda qayta ishlaydigan shaxsiy maʼlumotlar noaniq yoki toʻliq kiritilmagan deb hisoblasangiz, siz bizdan ortiqcha kechiktirmasdan tuzatishlar kiritishni va tegishli hollarda shaxsiy maʼlumotlaringizni toʻldirishni soʻrashga haqlisiz.
  
  • Siz qurilmangiz sozlamalarida yoki bizga murojaat qilish orqali Foydalanuvchi taassurotini yaxshilash dasturidan voz kechishingiz mumkin: (quyidagi “Biz bilan aloqa” boʻlimiga qarang). Dasturni rad etganingizdan soʻng, biz dastur uchun qurilmangizdan olingan barcha axborotlarni oʻchirib tashlaymiz yoki anonimlashtiramiz.
  
  • Marketing xabarlariga obunani bekor qilish: Agar ortiq promoaksiya xabarlarini olishni xohlamasangiz, har bir promoaksiya xatida keltirilgan usul orqali istalgan paytda bunday marketing xabarlariga obunani bekor qilishingiz mumkin.
• 2. Shuningdek, siz joylashgan yurisdiksiyaga qarab, shaxsiy maʼlumotlaringiz yuzasidan qoʻshimcha qonuniy huquqlarga ega boʻlishingiz mumkin. Shunga muvofiq ravishda, agar Yevropada yashasangiz, GDPR haqidagi boʻlim bilan tanishing.
• 3. Agar soʻrov yuborishni xohlasangiz, uni https://www.oppo.com/uz/privacy-feedback/ orqali kirishimiz mumkin boʻlgan Maʼlumotlar yuzasidan soʻrovlar platformasi (“DSR platformasi”) orqali yuborishingiz mumkin.
• 4. Unutmang, talabingizni qayta ishlashdan oldin biz xavfsizlik yuzasidan shaxsingizni tasdiqlashni soʻrashimiz mumkin.
• 5. Qabul qilingan javobdan qoniqmasangiz, ayrim yurisdiksiyalar sizga shikoyatni tegishli nazorat organiga yuborish huquqini berishi mumkin.
• 6. Odatda, asosli talablaringizga javob berish uchun haq olinmaydi. Lekin, soʻrovning xarakteriga qarab, ayrim xarajatlarimizni qoplash uchun muayyan cheklovdan oshadigan, koʻp marta yuborilgan yoki takroriy soʻrovlar uchun maqsadga muvofiq miqdorda haq olishimiz mumkin. Biz soʻrovlarni toʻliq yoki qisman rad etish huquqiga ega boʻlishimiz mumkin va biz ochiq-oydin asossiz, asossiz ravishda takrorlanadigan yoki nomutanosib texnik kuch talab qiladigan (masalan, yangi tizimlarni ishlab chiqishni talab qiladigan) soʻrovlarni rad etishimiz mumkin. Bundan tashqari, biz jamoatchilik manfaatining muhim masalalarga bevosita bogʻliq boʻlgan yoki siz yoxud boshqa jismoniy yoki yuridik shaxslarning qonuniy huquq va manfaatlariga jiddiy zarar yetkazadigan soʻrovlarga javob bermasligimiz mumkin.

X

Bolalarning shaxsiy maʼlumotlarini qanday qayta ishlaymiz

• 1. Xizmatlarimiz asosan kattalarga moʻljallangan. Bola Xizmatlarimizdan qonuniy vasiyi roziligisiz foydalanmasligi kerak. Biz 18 yoshdan kichik (yoki tegishli yurisdiksiyadagi muqobil minimal layoqat yoshidan kichik) shaxslarni bola deb hisoblaymiz.
• 2. Biror bolaning shaxsiy maʼIumotlari olinganidan xabar topsak, tegishli maʼIumotlarni imkon qadar tez oʻchirib tashlaymiz.
• 3. Agar bizda bolaga tegishli shaxsiy maʼlumotlar boʻlishi mumkin deb hisoblasangiz, “Biz bilan aloqa” boʻlimidan foydalanib bizga murojaat qiling.

XI

Tashqi veb-saytlar

• 1. OPPO Xizmatlarida uchinchi tomon veb-saytlari, mahsulot va xizmatlariga havolalar boʻlishi mumkin. Siz uchinchi tomonlar tomonidan taqdim etilgan veb-saytlarga kirish yoki kirmaslikni yoki mahsulot va xizmatlarni qabul qilish yoki qilmaslikni tanlashingiz mumkin. Masalan, rasmiy veb-saytimizdagi “Bizni kuzating” funksiyasi sizni ijtimoiy tarmoqlardagi rasmiy hisoblarimizga (masalan, Facebook, Instagram, Linkedln, Twitter va boshqalar) olib kiradi va u yerda siz OPPO tomonidan nashr qilingan marketing va promoaksiya axborotlarini ochishingiz mumkin.
• 2. Biz uchinchi tomon maxfiyligi va maʼlumotlarni himoya qilish siyosatini nazorat qilmaymiz va ularning siyosati uchun hech qanday javobgarlik yoki masʼuliyatni oʻz zimmamizga olmaymiz. Shu bilan birga, bunday uchinchi tomonlar ushbu Maxfiylik eslatmasiga aloqador emaslar. Shuning uchun, shaxsiy maʼlumotlarni uchinchi tomonlarga taqdim etishdan oldin, biz bunday uchinchi tomonlarning maxfiylik himoyasi amaliyoti bilan tanishib chiqishingizni qatʼiyan tavsiya etamiz.

XII

Bu Maxfiylik eslatmasi qanday yangilanadi

• Biz mazkur Maxfiylik eslatmasini vaqti-vaqti bilan yangilab borish huquqini oʻzimizda saqlab qolamiz. Biz, tegishli ravishda, ushbu Maxfiylik eslatmasiga kiritiladigan biror jiddiy oʻzgarishlar haqida sizga mos deb hisoblagan shaklda xabar yuboramiz va ushbu “Maxfiylik eslatmasi” kuchga kirgan vaqtda “oxirgi yangilangan” sanasini yangilaymiz.

XIII

Biz bilan aloqa

• Agar sizda Maxfiylik eslatmamiz yoki amaliyotimizga aloqador savol yoki muammolaringiz boʻlsa, DSR platformamiz (https://www.oppo.com/uz/privacy-feedback/) orqali soʻrov yuboring
• yoki – agar Yevropada yashasangiz –
• OROPE Germany GmbH
  Graf-Adolf-Platz 15, 40213 Düsseldorf, Germany
  Kimga: Muvofiqlik boʻyicha xodim
• Agar sizda biz qoniqarli darajada eʼtibor qaratmagan maxfiylik yoki maʼlumotlardan foydalanish yuzasidan hal etilmagan masala boʻlsa, AQSHdagi nizolarni hal etish boʻyicha uchinchi tomon provayderimiz bilan quyidagi havola orqali bogʻlaning (bepul): https://feedback-form.truste.com/watchdog/request.

I

Shaxsiy maʼlumotlaringizni qayta ishlashning qonuniy asoslari

• Shaxsiy maʼlumotlaringizni “Shaxsiy maʼlumotlaringizdan qanday foydalanamiz” boʻlimida tavsiflangan tarzda qayta ishlashimiz quyidagi qonuniy asoslarga asoslanadi:
• 1. Rozilik: Shaxsiy maʼlumotlaringizni roziligingiz asosida qayta ishlashimiz mumkin. Biz Foydalanuvchi taassurotini yaxshilash dasturida siz ishtirok etadigan, shuningdek, muayyan Xizmatlardan, jumladan, biz joylashuv axborotini oladigan xizmatlardan foydalanadigan holatlarda promoaksiya xabarlarini yuborish kabi promoaksiya tadbirlarimizga aloqador ravishda roziligingizni talab qilishimiz mumkin. Siz istalgan paytda rozilik bermaslikka yoki uni qaytarib olishga haqlisiz. Roziligingizning qaytarib olinishi qaytarib olishingizdan oldin shaxsiy maʼlumotlaringizdan foydalanishimiz qonuniyligiga taʼsir qilmaydi. Agar siz shaxsiy maʼlumotlaringizdan foydalanishimizga rozilik bergan boʻlsangiz, biz ulardan faqat rozilik deklaratsiyasida keltirilgan maqsadlarda foydalanamiz. Unutmang, qayta ishlashimiz roziligingizga asoslangan boʻlsa va siz roziligingizni rad qilsangiz yoki uni qaytarib olsangiz, biz unga tegishli xizmatni taqdim eta olmasligimiz mumkin. Bundan tashqari, na dastlabki rad etish va na qaytarib olish siz uchun salbiy oqibatlarga olib kelmaydi.
• 2. Siz bilan shartnomani amalga oshirish yoki shartnoma tuzish:
• Biz qonuniy asosga suyanamiz, xususan, quyidagi holatlarda:
• • sizga OPPO Xizmatlarini taqdim etish, buyurtmalaringizni qayta ishlash yoki siz va OPPO oʻrtasidagi shartnoma shartlarini bajarish uchun;，
  • siz xarid qilgan Xizmatlar, kafolat xizmatingiz va muayyan dastur litsenziyalarini faollashtirish hamda dasturiy yangilanishlar uchun bildirishnomalarni taqdim etish maqsadida;，
  • biz oʻtkazadigan yutuqli oʻyin, tanlov yoki oʻxshash promoaksiya tadbirlarida qatnashishingizga imkon berish va boshqarish uchun; va，
  • mahsulotlardagi muammolarni diagnostika qilish, mijoz qurilmasini tuzatish va boshqa mijozlarga yordam hamda qoʻllab-quvvatlash Xizmatlarini taqdim etish uchun.
• 3. Qonuniy majburiyatni bajarish: OPPO qonuniy majburiyatlarimizga rioya qilish uchun shaxsiy maʼlumotlarni qayta ishlashga majbur boʻlishi mumkin, masalan, OPPO kompaniyasidan soliq qonunchiligi yoki tijorat maqsadlarida maʼlumotlarni saqlash talab qilinganida.
• 4. Qonuniy manfaatlar: Shaxsiy maʼlumotlaringizni qayta ishlash OPPO qonuniy manfaatlari uchun ham zarur boʻlishi mumkin. Bunday holatlarga, xususan, quyidagilar kirishi mumkin:
• • foydalanuvchi taassurotingizni yaxshilash maqsadida mijozlar oʻrtasida soʻrovnomalar oʻtkazish;
  • siz Xizmatlarimizdan foydalanadigan mamlakat asosida mijozlar bozorini tahlil qilish uchun, jumladan, mahsulot marketingi va promoaksiya uchun foydalanuvchilar soni;
  • biznes amaliyotlarimiz samaradorligini tahlil qilish uchun;
  • telefon sifati va ilova funksiyalarini yaxshilash uchun xatoliklar jurnalini tahlil qilish uchun;
  • sizga moslangan Xizmatlarni taqdim etish va Xizmatlarimizda sizga moʻljallangan kontent va reklamalarni tavsiya qilish va chiqarish uchun;
  • siz bilan muloqot qilish va har qanday vosita orqali yuborilgan savol yoki fikrlaringizga javob berish uchun;
  • Xizmatlarimizning ishlashi va xavfsizligini taʼminlash uchun;
  • shaxsingizni tasdiqlash uchun;
  • ichki audit oʻtkazish va firibgarlik, kiberxavfsizlik tahdidlari yoki boshqa nomuvofiq maqsadlarda foydalanishning oldini olish va tekshirish;
  • Xizmatlarimizni, jumladan, mahsulotning funksional taassurotini yaxshilash, mahsulotning foydalanuvchilarga qulayligi, ishlash unumdorligi, funksiyalari va dizaynini yaxshilash kabi xavfsizlik funksiyalarini takomillashtirish, yaxshilash va rivojlantirish uchun;
  • qonuniy daʼvolarni taʼqib qilish yoki himoyalash uchun.
• Biz faqat manfaatlarimiz sizning maxfiylik huquqingiz bilan munosib baholanganida va muvofiq kelganidagina yuqoridagi asoslarda shaxsiy maʼlumotlaringizni qayta ishlaymiz.

II

Shaxsiy maʼlumotlaringiz global miqyosda qanday uzatilishi yuzasidan qoʻshimcha axborot

• Agar shaxsiy maʼlumotlaringiz Yevropadan tashqarida joylashgan yurisdiksiyalarga uzatilsa, biz tegishli xavfsizlik choralari mavjudligini va ularga rioya qilinishini taʼminlaymiz, masalan:
• 1. shaxsiy maʼlumotlarni oluvchi tomonning Yevropa Komissiyasi qarorlarining “muvofiqligidan” foydalanadigan mamlakatda joylashgani;
• 2. oluvchi tomonning Yevropa Komissiyasi tomonidan tasdiqlangan “namunaviy shartnoma qoidalari” asosida ularga shaxsiy maʼlumotlaringizni himoyalash majburiyatini yuklovchi shartnomani imzolagani;
• 3. yoki yuqoridagi tegishli xavfsizlik choralari mavjud boʻlmagan taqdirda, biz shaxsiy maʼlumotlaringizning chegaralararo uzatilishiga aniq roziligingizni soʻraymiz yoki shaxsiy maʼlumotlaringiz uchun yetarli himoya darajasini taʼminlaydigan boshqa choralarni koʻramiz.
• Yevropadan tashqarida shaxsiy maʼlumotlarni uzatishga aloqador xavfsizlik choralari tafsilotlari uchun soʻrovingizni DSR platformamiz (https://www.oppo.com/en/privacy-feedback/) orqali yuboring.

III

Cookie-fayllar va boshqa kuzatuv texnologiyalari yuzasidan qoʻshimcha axborot

• Agar cookie-fayllar va boshqa kuzatuv texnologiyalaridan foydalanish yuzasidan batafsil axborot olishni xohlasangiz, Cookie-fayllar siyosatimiz bilan tanishib chiqing.

IV

Shaxsiy maʼlumotlaringizga aloqador huquqlaringiz yuzasidan qoʻshimcha axborot

• GDPR yuzasidan qonuniy talablarga muvofiq siz quyidagi huquqlarga egasiz:
• • Kirish huquqi: Biz siz haqingizda saqlaydigan shaxsiy maʼlumotlarga kirishni talab qilishingiz mumkin.
  
  • Tuzatish huquqi: Agar biz siz haqingizda qayta ishlaydigan shaxsiy maʼlumotlar noaniq yoki toʻliq kiritilmagan deb hisoblasangiz, siz bizdan ortiqcha kechiktirmasdan tuzatishlar kiritishni va tegishli hollarda shaxsiy maʼlumotlaringizni toʻldirishni soʻrashga haqlisiz.
  
  • Oʻchirib tashlash huquqi: Shaxsiy maʼlumotlarni oʻchirib tashlash uchun siz bizga soʻrov yuborishingiz mumkin va biz ayrim holatlarda ularni kechiktirmasdan oʻchirib tashlashga majburmiz - masalan, agar amaldagi qonun va qoidalarga muvofiq ravishda shaxsiy maʼlumotlarni qayta ishlashda davom etish uchun bizda qonuniy sabab boʻlmasa. Unutmang, qurilmangizdagi barcha maʼlumotlarni oʻchirib tashlaganingizda, bu OPPO siz haqingizda oladigan va qayta ishlaydigan barcha maʼlumotlarni oʻchirib tashlaganingizni anglatmaydi. Shuning uchun, shaxsiy maʼlumotlaringizni oʻchirib tashlashni talab qilish uchun bizga murojaat qilishingizni (yuqoridagi “Biz bilan aloqa” boʻlimiga qarang) tavsiya qilamiz.
  
  • Qayta ishlashni cheklash huquqi: Siz ayrim hollarda OPPO kompaniyasidan shaxsiy maʼlumotlaringizni qayta ishlash usulimizni cheklashni soʻrash huquqiga egasiz, masalan, shaxsiy maʼlumotlaringiz toʻgʻriligiga shubha qilsangiz, ushbu shaxsiy maʼlumotlarning toʻgʻriligini tekshirishga imkon beradigan vaqt davomida. Biz sizning kelgusidagi cheklash haqidagi soʻrovingizni amal qilishimizga ishonch hosil qilish uchun yetarli darajadagi maʼlumotlarni olamiz yoki qayta ishlaymiz.
  
  • EʼTIROZ BILDIRISH HUQUQI: Siz istalgan paytda muayyan holatingizga aloqador asoslarga asoslanib, qonuniy manfaatlar bilan tasdiqlangan har qanday qayta ishlashga eʼtiroz bildirishga haqlisiz. Agar shaxsiy maʼlumotlaringizning qayta ishlanishiga eʼtiroz bildirishga qaror qilsangiz, agar biz shaxsiy maʼlumotlaringizni qayta ishlashni davom ettirish uchun manfaat, huquq va erkinliklaringizdan ustun qoʻyadigan sabablarni koʻrsatmasak yoki qonuniy talablarimizni oʻrnatmagan, amalga oshirmagan yoki himoyalamagan holatlarda biz shaxsiy maʼlumotlaringizni qayta ishlashni toʻxtatishimiz kerak. Siz har qanday sababga koʻra istalgan paytda bevosita marketing harakatlariga eʼtiroz bildirishingiz mumkin.
  
  • Maʼlumotlarni oʻtkazish huquqi: Siz shaxsiy maʼlumotlaringizning nusxasini tartibga keltirilgan, odatdagi keng foydalaniladigan va kompyuter formatida olish huquqiga egasiz va bunday maʼlumotlarni boshqa provayderga uzatishingiz yoki muayyan holatlarda boshqa provayderga uzatishingiz mumkin.
  
  • Rozilikni bekor qilish huquqi: Agar shaxsiy maʼlumotlaringizni qayta ishlashimizga rozilik bergan boʻlsangiz, lekin keyinchalik fikringiz oʻzgarsa, istalgan paytda roziligingizni bekor qilish huquqiga egasiz. Roziligingizning qaytarib olinishi qaytarib olishingizdan oldin shaxsiy maʼlumotlaringizdan foydalanishimiz qonuniyligiga taʼsir qilmaydi. Agar siz promoaksiya xabarlarini olish yuzasidan roziligingizni qaytarib olishni xohlasangiz, har bir promoaksiya xabarida tavsiflangan usul orqali obunani bekor qilishingiz mumkin. Agar roziligingizni bekor qilsangiz, tegishli Xizmatni sizga ortiq taqdim eta olmasligimiz mumkin.
  
  • Shikoyat qilish huquqi: Shaxsiy maʼlumotlaringiz bilan qanday ishlashimiz yoki qayta ishlashimiz yuzasidan vakolatli nazorat organiga shikoyat yuborishingiz yoki tegishli yurisdiksiyada sudga daʼvo bilan murojaat qilishingiz mumkin. Axborot muhofazasi boʻyicha mahalliy nazorat organiga qanday murojaat qilish tafsilotlari bu yerda mavjud.

V

Axborot muhofazasi boʻyicha xodimning aloqa maʼlumotlari

• Soʻrovingizni Axborotga doir huquqlar platformamiz (https://www.oppo.com/en/privacy-feedback/) orqali yuborishingiz yoki quyidagi manzil orqali axborot muhofazasi boʻyicha xodimimizga murojaat qilishingiz mumkin:
• Collegium Auditores GmbH
  Datenschutz OROPE
  Wilhelmstrasse 74, 53721 Siegburg, Germany