Құпиялылық

Құпиялылық саясаты

Жеке деректеріңіздің өңделу жолын түсінуіңіз үшін, Құпиялылық туралы хабарламамыздың қысқаша сипаттамасын дайындадық. Қосымша ақпаратты төмендегі Құпиялылық туралы хабарламаның толық нұсқасынан қараңыз. Жеке деректеріңізбен жұмыс істеу жолымызды және жеке деректеріңізге қатысты мүмкіндіктеріңіз бен құқықтарыңызды толық түсіну үшін Құпиялылық туралы хабарламаның толық нұсқасын оқып шыққаныңыз жөн.

Негізгі жағдайлар	(Қорытынды)
Деректеріңіздің жиналуына және пайдаланылуына кім жауапты?	Әдетте жеке деректеріңіздің жиналуына және пайдаланылуына OPPO компаниясы жауапты болады. Дегенмен, Еуропада болған кезіңізде, жеке деректеріңіздің контролері «OROPE Germany GmbH» болады..
Біз пайдаланатын деректер	Бізге тікелей берген немесе Қызметтерімізді пайдаланған кезіңізде жиналған өзіңіз туралы деректерді өңдейміз. Өзіңіз туралы жеке деректерді үшінші тараптардан алуымыз да мүмкін.
Оны пайдалану мақсатымыз	Жеке деректеріңізді солай істеуге заңды негізіміз болғанда ғана, мысалы сізге Қызметтерді көрсету мақсатында келісім шарттарын орындау үшін, заңды мүддеміз үшін, келісіміңізді алғанда немесе заңды міндеттемелерімізді орындау үшін пайдаланамыз. Жеке деректеріңізді жүлде ұтысы сияқты жарнамалық шараларға қатысқан кезіңізде де өңдей аламыз.
Жеке деректеріңіздің сақталу мерзімі	Жеке деректеріңізді қажетті болған мерзімнен ұзақ сақтамаймыз. Көп жағдайда жеке деректеріңізді сізге айтқан мақсаттарға пайдалану үшін қажетті болған уақыт бойы сақтаймыз. Дегенмен, кейде заң талаптарына сәйкес оларды одан ұзақ сақтауға мәжбүр боламыз.
Маркетинг	Сізді қызықтыра алатын Қызметтер немесе ұсыныстар туралы ақпаратты жіберуіміз мүмкін. Олай істеу үшін сізден келісім алуымыз қажет болса, ондай әрекетке сізден келісім алғанда ғана барамыз және осындай маркетингілік хат-хабардан кез келген уақытта бас тартуыңызға болады.
Жеке деректеріңіздің үшінші тараптарға берілуі	Жеке деректеріңізді біз басқаратын немесе бізбен бірге басқарылатын басқа компаниялармен, бизнес серіктестеріміз бен қызмет провайдерлеріміз сияқты үшінші тараптармен немесе заң бойынша талап етілген кезде бөлісуіміз мүмкін. Бизнес серіктестеріміз бен қызмет провайдерлеріміздің деректерді қорғау бойынша тиісті міндеттемелерді орындауын қамтамасыз етеміз.
Қауіпсіздік	Деректеріңіздің қауіпсіздігіне үлкен жауапкершілікпен қараймыз. Жеке деректеріңізді қорғау бойынша түрлі техникалық және ұйымдастырушылық шаралар қолдандық.
Құқықтарыңыз	Кей деректерді қорғау туралы заңдарға сәйкес сізге жеке деректеріңізге қатысты құқықтар, соның ішінде төмендегідей құқықтар берілуі мүмкін: • жеке деректеріңізді өңдеу жолымыз туралы хабардар болу құқығы; • өзіңіз туралы біздегі жеке деректерге және олардың өңделуі туралы ақпаратқа қол жеткізу құқығы; • қате жеке деректерді жоюымызды немесе өзгертуімізді сұрау құқығы; • кез келген құқығыңызды бұздық деп есептеген жағдайда, тиісті реттеуші органға шағым түсіру құқығы. Еуропа тұрғыны болсаңыз, осы Құпиялылық туралы хабарламада кейін көрсетілетін құқықтарыңыз болады.
Балалар	Қызметтеріміз кемінде 18 жасқа толған пайдаланушыларға арналған. Балалардың деректерін жинамауға және пайдаланбауға тырысамыз.
Елдер арасында жіберу	Дүниежүзі бойынша бизнеспен айналысамыз, сондықтан жеке деректеріңізді басқа елдерге жіберуіміз мүмкін. Сақтау орны локализациясына қатысты талаптарды орындаймыз және осындай жіберілімдерге тиісті заңды кепілдіктер береміз.
Жаңартулар	Осы Құпиялылық туралы хабарламаны ара-тұра өзгертіп отыруымыз мүмкін және кез келген өзгерісті сізге тиісті түрде хабарлаймыз.
Бізбен байланысу	Сұрақтарыңыз бар болса, бізге https://www.oppo.com/kzkk/privacy-feedback/ мекенжайы бойынша хабарласуыңызға болады.

Осы Құпиялылық туралы хабарламада қызметтерімізді, соның ішінде веб-сайттарымызды, смартфондарымызды немесе денеге тағылатын құрылғыларымызды, қолданбаларымызды, онлайн-қызметтерімізді және басқа өнімдерімізді (барлығы бірге «Қызметтер» деп аталады) пайдаланған кезіңізде жеке деректеріңіздің жиналу, пайдаланылу, мәлім етілу, жіберілу, сақталу және өзгеше өңделу жолы сипатталады. Қызметтерімізді пайдаланбай тұрып немесе жеке деректеріңізді бермей тұрып, құпиялылыққа қатысты ережелерімізді мұқият оқып, түсініп алыңыз.

Осы Құпиялылық туралы хабарламаға қоса, пайдаланылған Қызметтерге қарай арнайы құпиялылық туралы хабарламалар қолданылуы мүмкін. Әр жағдайда, сізге тиісті құпиялылық туралы хабарламаны лайықты түрде ұсынамыз.

А бөлімінің жалпы талаптары сізге орналасқан жеріңізге қарамастан қолданылады. В бөлімі Еуропа одағында, Лихтенштейнде, Норвегияда, Ұлыбританияда немесе Швейцарияда («Еуропа») орналасқан клиенттерге ғана қатысты қолданылады.

Осы Құпиялылық туралы хабарлама төмендегі жағдайларды түсінуге көмектеседі:

Жалпы ережелер

Жауапкершіліктер

Бүкіл дүниежүзі бойынша жұмыс істейміз және Қызметтерімізді ұсынамыз. Алайда сіз тұратын жерге қарай Қызметтеріміздің бір бөлігі өзгеше болады.
• Контролер ретінде әрекет ететін «OROPE Germany GmbH» компаниясы: Еуропада тұрсаңыз, Германияда тіркелген және Graf-Adolf-Platz 15, 40213 Dusseldorf мекенжайында орналасқан «OROPE Germany GmbH» компаниясы осы Құпиялылық туралы хабарламада сипатталғандай жеке деректеріңіздің кез келген түрде өңделуіне жауапты болады.
• Жалпы алғанда, OPPO компаниясы Еуропаның сыртында Қызметтерде жиналатын жеке деректеріңіздің өңделуіне жауапты болады және осы процесті басқарады, әрі жеке өміріңізді қорғауға және құрметтеуге міндеттенеді. Жеке деректердің локализациясына қатысты талаптар қолданылса, осы талаптарды орындаймыз. Жеке деректеріңіздің юрисдикцияңыздағы өңделу жолын одан да жақсы түсінгіңіз келсе, «Бізге хабарласу жолы» бөлімін пайдаланып бізге хабарласыңыз.
«OPPO» және «біз» сөздері не «OROPE Germany GmbH» компаниясын, не тұратын жеріңіздегі тиісті ұйымды білдіреді.
Сатудан кейінгі қызметтер бойынша эксклюзивті дистрибьюторлармен жұмыс істейтінімізді ескеріңіз. Осы мақұлданған эксклюзивті дистрибьюторлар сіз сұраған клиенттік қызметке немесе өз маркетингілік операцияларына байланысты оларға берген жеке деректеріңіздің өңделуіне жауапты болады.

Жеке деректердің жиналу жолы және жеке деректердің жиналатын түрлері

Жеке деректер термині өте кең түсінікке ие, әрі ол анықталған немесе анықтауға болатын тұлғаға қатысты кез келген ақпаратты білдіреді. Яғни аты-жөніңіз немесе мекенжайыңыз сияқты сізді тікелей анықтайтын деректер ғана емес, сонымен қатар біз қол жеткізе алатын басқа мәліметтермен біріккенде сол деректерді сізбен байланыстыруға мүмкіндік беретін басқа деректер (мысалы, IP мекенжайы) жеке деректер болып табылады.
Жеке деректерді жинауға арналған арналарымызға кіретіндер: 1. жеке деректеріңізді бізге тікелей өзіңіз бересіз; 2. Қызметтерімізбен әрекеттескен кезіңізде белгілі жеке деректерді, мысалы, Қызметтерімізбен немесе бізбен әрекеттесу жолыңыз туралы ақпаратты автоматты түрде аламыз; және/немесе; 3. сіз туралы белгілі жеке деректерді үшінші тұлғалардан аламыз.
Біз жинаған жеке деректер бізбен әрекеттесу ортаңызға, жасаған таңдауларыңызға, соның ішінде құпиялылық туралы параметрлеріңіз бен сіз пайдаланған функциялар мен Қызметтерге байланысты болады.
1. Өзіңіз тікелей берген жеке деректер
Бізге жеке деректерді тікелей өзіңіз беруіңіз мүмкін, ал мұндай жағдайда әдетте бізге берілетін жеке деректердің түрін таңдауыңызға болады. Дегенмен, кей жеке деректер Қызметтеріміздің жұмысы үшін қажет болса және сол жеке деректерді бермеу шешімін қабылдасаңыз, сіз сұраған Қызметтерді көрсете алмауымыз мүмкін. Сізден тікелей жиналатын жеке деректер төмендегілерді қамтуы мүмкін:
• Бізден Қызметтерге тапсырыс берсеңіз немесе ақылы Қызметті пайдалансаңыз: Тапсырысыңызды өңдей алуымыз үшін, жеткізіліміңіздің деректерін, банк шотыңыздың нөмірін, несиелік картаңыздың мәліметтерін, есеп-шот жіберілетін мекенжайды және транзакцияға қатысты басқа қаржылық ақпаратты, тапсырыс нөмірін, аты-жөніңіз бен байланыс мәліметтерін, сатып алу / қайтару / ақша қайтару әрекеттеріңіз немесе басқа өтініш туралы ақпаратты және кез келген басқа байланыс жазбаларын жинай аламыз.
• Әлеуметтік желі тіркелгілерімізді қадалаған кезіңізде немесе кез келген басқа жолмен бізбен әрекеттескен кезіңізде: Өтінішіңізге жауап беру үшін, профиліңіз туралы ақпаратты, алысып-беріскен хат-хабардың мазмұны мен уақыты туралы мәліметтерді немесе басқа жеке деректерді жинай аламыз. Біз қабылдайтын деректер әлеуметтік желідегі құпиялылық туралы параметрлеріңізге байланысты болады.
• Басқа тұлғалармен контент бөліскен кезіңізде: Кей Қызметтеріміз сізге басқа адамдармен сөйлесуге және оларды бөлісуге мүмкіндік береді. Жіберілген немесе бөліскен контент жүйеміз арқылы жіберіліп, онда сақталады.
• Пайдалану әсерін жақсарту бағдарламамызға тіркелген кезіңізде: Осы бағдарламаға қатысқан кезіңізде, құрылғыңыз туралы ақпаратты (құрылғының идентификациялық деректері, конфигурация деректері, жүйе және қолданба деректері, жарнамалық идентификатор, IP мекенжайы, уақыт белдеуі), қолданысыңыз туралы деректерді (мысалы, өнім функцияларын пайдалану статистикасы, өнімнің апгрейд статистикасы, сондай-ақ қолданбаны орнату, жою, қателіктер туралы журналдар), құрылғыңыздың орналасқан жері туралы ақпаратты (осындай орналасқан жерді қадағалауға сіз бөлек рұқсат берсеңіз) және журналдық ақпаратыңызды (мысалы, қызметтің пайдаланылу уақыты мен ұзақтығы, қызметтің көмегімен енгізілген іздеу сөздері және өшіріп-жүктеу операциялары, апгрейдтер, қателіктер, бұзылу жағдайлары сияқты құрылғылар мен бағдарламалық құрал оқиғалары туралы ақпарат) жинауымыз мүмкін. Бұл бағдарламаға желілік байланыс қажет болуы мүмкін және кей деректер тек Wi-Fi арқылы жүктеп салынуы мүмкін.
• Жеке деректерді беруіңізді талап етуіміз немесе маркетингілік мақсаттарға қажеттілік сияқты басқа жағдайларда жинауымыз мүмкін: Мұндай іс-шараларға жүлде ұтыстарына, купон ұтыстарына немесе басқа жарыстарға қатысқан кезіңіз, біз ұйымдастыратын немесе біздің атымыздан серіктестеріміз ұйымдастыратын жарнамалық немесе маркетингілік іс-шараларға қатысқан кезіңіз, сауалнамаларды толтырған кезіңіз, біз немесе серіктестеріміз ұйымдастыратын пайдаланушылар форумдарына немесе блогтарға қатысқан кезіңіз кіреді. Осыған байланысты аты-жөніңіз, мекенжайыңыз, электрондық поштаңыздың мекенжайы, телефоныңыздың нөмірі сияқты жеке деректерді және осындай іс-шараларға байланысты талап етілетін басқа жеке деректерді беруіңізді сұрауымыз мүмкін.
• Ақпараттық хаттарымызға жазылған кезіңізде: Аты-жөніңізді, электрондық поштаңыздың мекенжайын және жарнамалық хат-хабарымызға қатысты әрекеттеріңіз (мысалы, электрондық хатты ашып-ашпағаныңыз немесе құрамындағы сілтемені басып-баспағаныңыз) туралы ақпаратты жинауымыз мүмкін.
• Кей юрисдикцияларда сіз пайдалана алатын кей Қызметтер үшін шын аты-жөнін тексеру процесін жүргізуіміз қажет болуы мүмкін: Мұндай жағдайда толық аты-жөніңізді және үкімет берген жеке куәліктің мәліметтерін де жинаймыз. Осындай жеке деректерді беруден бас тартсаңыз, сізге тиісті Қызметтерді көрсете алмауымыз мүмкін.
2. Қызметтерімізді пайдалануыңыз туралы автоматты түрде жиналатын жеке деректер
Өзіңіз беретін жеке деректерден басқа, Қызметтерімізді пайдалануыңыз, атап айтқанда, құрылғыңызды пайдаланған кезіңіз туралы ақпаратты да автоматты түрде жинауымыз мүмкін. Атап айтқанда, біз жинай алатын жеке деректерге кіретіндер:
• Құрылғы туралы ақпарат: Бұған құрылғы атауы, құрылғының моделі, аймақ пен тіл параметрлері, құрылғының идентификаторы (IMEI нөмірі), құрылғының аппараттық мәліметтері мен күйі, IP мекенжайы, MAC мекенжайы, операциялық жүйе нұсқасы және Қызметке кіру үшін пайдаланылатын құрылғының параметрлері кіруі мүмкін.
• Журналдық ақпарат: Бұған Қызметтің пайдаланылған уақыты мен пайдаланылу ұзақтығы, Қызмет арқылы енгізілген іздеу сөздері және құрылғыңыздың қателік журналының ақпараты кіруі мүмкін. Смартфоныңыздағы және/немесе денеге тағылатын құрылғыдағы Android жүйесі қателік журналыңызда немесе бұзылыс журналыңызда оқиға кезінде жиналған ақпарат болатындай жасалған, ал ол бұзылудың себебін талдауға мүмкіндік береді. Осындай ақпарат кейде телефон нөмірі, электрондық пошта мекенжайы, Google тіркелгісі, Facebook тіркелгісі, т.с.с. жеке деректеріңізді қамтуы мүмкін. Дегенмен, осы ақпарат адамның жеке басын анықтауға немесе басқа мақсаттарға емес, қателіктер журналын талдауға ғана пайдаланылуы үшін қауіпсіздік шараларын қолдандық.
• Орналасқан жер туралы ақпарат: Бұған құрылғының GPS сигналы немесе сізге жақын орналасқан Wi-Fi кіру орындары мен базалық станциялар туралы ақпарат, кей орналасқан жер негізінде істейтін қызметтерге кірген кезіңіздегі (мысалы, ауа райы қолданбасын пайдаланған кезіңіздегі) құрылғының орналасқан жер идентификаторы және желілік қызмет көрсетушінің идентификаторы кіруі мүмкін. Сізден орналасқан жер негізінде істейтін түрлі қолданбалардың әрқайсысы үшін орналасқан жер негізінде істейтін қызметтерді қосу қажеттілігін сұраймыз. Құрылғының орналасқан жерге қатысты параметрлерін құрылғы параметрлері ішінде өшіруге болады. Орналасқан жер туралы ақпаратты өшірсеңіз, сізге қызметтерді ұсыну үшін орналасқан жер туралы ақпаратты пайдаланатын қолданбалардың функциялары нашарлауы мүмкін.
• Камера: Камера қолданбасы қалыпты түрде жұмыс істеуі үшін, операциялық деректерді (мысалы, қолданбаның пайдаланылу жиілігі, түсірілген фотосуреттердің саны), түсірілген фотосуреттер туралы ақпаратты (мысалы, жарық сезгіштігі, түсірілген адам жүздерінің саны) және ұялы телефонда қалған бос орын туралы ақпаратты жинаймыз.
• Қызметті пайдалануыңыз туралы басқа ақпарат: Бұған қолданбаның нұсқасы немесе пайдаланылған браузер түрі, тіл параметрі, IP мекенжайы, құрылғының түрі, IMEI, кірген веб-сайт және Қызмет арқылы ұсынылған контентке қатысты әрекеттеріңіз кіруі мүмкін.
Веб-сайтыңызға кірсеңіз, cookie-файлдар және басқа қадағалау технологиялары арқылы автоматты түрде жиналатын жеке деректер туралы қосымша ақпаратты төмендегі «Cookie-файлдар мен ұқсас технологиялардың пайдаланылу жолы» бөлімінен қараңыз.
3. Үшінші тараптардан алынатын жеке деректер
Сіз туралы жеке деректерді үшінші тараптардан алуымыз мүмкін. Мысалы, заңмен рұқсат етілген жағдайда, қоғамдық немесе коммерциялық дереккөздерден сіз туралы деректерді, соның ішінде сіз пайдаланатын әлеуметтік желілердегі әрекеттеріңізді алып, оны сізден алынған немесе сізге қатысты басқа ақпаратпен біріктіре алуымыз мүмкін. Атап айтқанда, бізбен әлеуметтік желі веб-сайты немесе үшінші тарап қызметі арқылы қарым-қатынас жасасаңыз, мысалы, Facebook, Twitter немесе басқа веб-сайттарда OPPO контентін ұнатқан, қадағалаған немесе бөліскен кезіңізде, әлеуметтік желіден ақпарат, соның ішінде әлеуметтік желі тіркелгіңізбен байланысты профиліңіз туралы ақпаратты, суретіңізді, пайдаланушы идентификаторыңызды және әлеуметтік желіге үшінші тараптармен бөлісуге рұқсат берген кез келген басқа мәліметтеріңізді алуымыз мүмкін.
4. Құрылғыңызда жергілікті түрде өңделетін дерек түрлері
Күмәнді жағдай орын алмауы үшін және деректердің өңделуі туралы сізге анық түрде хабар беру үшін, осы бөлімде берілген деректер тек құрылғыңызда жиналып, өңделетінін және серверлерімізге жүктеп салынбайтынын ескеріңіз. Сондықтан осындай деректерге қол жеткізе алмаймыз, оларды жинаймыз немесе басқа тәсілмен өңдей алмаймыз, сондай-ақ мұндай ақпаратты ешбір үшінші тарапқа мәлім ете алмаймыз немесе оны басқа мақсатта пайдалана алмаймыз. Бұл осы деректерді өңдеу операцияларын өзіңіз ғана орындайтыныңызды және оларға осы Құпиялылық туралы хабарлама қолданылмайтынын білдіреді. Осындай деректерге қатысты өз құқығыңызды пайдаланғыңыз келсе, не болмаса оны өзгерткіңіз немесе жойғыңыз келсе, деректеріңізді басқару жолыңыз туралы ақпарат беруден басқа сізге қолдау көрсете алмаймыз.
• Бет әлпеті мен саусақ іздерін тану функциясын пайдаланған кезіңізде: Осы функциялар алдын ала жазылған бет әлпеті немесе саусақ іздері туралы ақпаратпен құрылғыны жылдам ашуға мүмкіндік береді. Бұл функцияны іске қосу үшін бет әлпетіңізді немесе саусақ ізіңіз туралы ақпаратты түрлі бұрыштан түсіріп беруіңіз тиіс. Осы түрдегі ақпарат ерекше құпия кілтті файл жүйесімен шифрланады.
• Фотосуреттер туралы ақпарат: Сізге фотосуреттер мен бейнелерді жүйелеу функциясын ұсыну үшін, «Фотосуреттер» қолданбасында құрылғының жергілікті кескін мен бейнені тану алгоритмдері пайдаланылады. Қолданбаға орналасқан жеріңіз туралы ақпаратты пайдалануға рұқсат берсеңіз, құрылғы фотосурет және бейне файлдарыңыздың ендік пен бойлық ақпаратын жазады. Фотосуретті түсірген кезде орналасқан жеріңізді жазғыңыз келмесе, оны кез келген уақытта құрылғының параметрлерінде өшіруіңізге болады. Сурет іздеген кезіңізде, құрылғының технологиясы ізделген сөзге қатысты фотосуреттерді сәйкестендіріп, фотосуреттерді жылдам көруге мүмкіндік береді.
5. Басқа жеке емес деректер
Жеке емес деректер кез келген белгілі тұлғамен тікелей немесе жанама түрде байланыстырылмайтын ақпаратты білдіреді. Жинақталған немесе өзге тәсілмен анонимді етілген деректерді өңдеуіміз мүмкін.
Жеке емес деректерді пайдаланушылардың қалауларын түсіну, жұмыс тиімділігін арттыру және веб-сайттар мен өнімді пайдаланудан алатын әсеріңізді оңтайландыру үшін жинаймыз. Жеке емес деректер мен жеке деректер біріктірілсе, онда мұндай бүкіл деректер жеке деректер ретінде қарастырылады.

III

Жеке деректеріңіздің пайдаланылу жолы

1. Жеке деректеріңізді келесі мақсаттарда пайдаланамыз:
• сізге OPPO қызметтерін көрсету, тапсырыстарыңызды өңдеу немесе OPPO мен араңыздағы келісім талаптарын орындау;
• сатып алған Қызметтеріңізді, кепілдік қызметіңізді және арнайы бағдарламалық құрал лицензияларын іске қосу және бағдарламалық құрал жаңартулары туралы хабарландырулар беру;
• өнім мәселелерінің диагностикасын жасау және басқа клиенттік күтім және қолдау қызметтерін көрсету;
• пайдаланудан алатын әсеріңізді жақсарту және Қызметтеріміз бен олардың қауіпсіздік сипаттамаларын жақсарту үшін клиенттер арасында сауалнамалар жүргізу;
• Қызметтерімізді пайдаланатын пайдаланушылар елінің негізінде клиенттік нарықты талдау;
• бизнес-операцияларымыздың тиімділігін талдау;
• телефонның сапасын және қолданба функцияларын жақсарту үшін қателік журналдарын талдау;
• сізге персоналды қызметтерді көрсету және Қызметтерімізде сізге бейімделген контент пен жарнамаларды ұсыну және көрсету;
• өткізетін жүлде ұтыстарымызға, конкурстарымызға немесе соған ұқсас жарнамалық шараларымызға қатысуыңызға рұқсат беру және оны басқару;
• электрондық поштамызға жіберілген немесе онлайн-платформаларымыз арқылы, соның ішінде әлеуметтік желі тіркелгілері арқылы жіберілген сұрақтарыңызға немесе комментарийлеріңізге жауап беру және сізбен тілдесу;
• Қызметтеріміздің жұмысы мен қауіпсіздігін қамтамасыз ету, жеке басыңызды растау, ішкі аудит жүргізу және алаяқтық жағдайлардың, кибер қауіп-қатердің немесе басқа жөнсіз пайдалану жағдайларының алдын алу және тергеу;
• өнімнің функцияларын жақсарту, пайдалану ыңғайлылығы, жұмыс өнімділігі, функциялар мен құрылысы тұрғысынан өнімді жақсарту сияқты Қызметтерімізді жетілдіру және дамыту;
• сотқа талап-арыздар беру немесе олардан қорғану;
• заңды міндеттемелерімізді орындау.
2. Жеке деректерді осы Құпиялылық туралы хабарламада қарастырылмаған басқа мақсаттарда пайдаланғымыз келгенде, сізге бұл жайлы хабар береміз және жеке деректеріңіздің заңға сәйкес пайдаланылуын қамтамасыз етеміз.
3. Сізге заң жүзінде салдары немесе сізге айтарлықтай әсер ететін басқа салдары бар алгоритмдерді немесе профиль қалыптастыруды қамтитын ешбір шешім қабылдамаймыз.

Cookie-файлдар мен ұқсас технологиялардың пайдаланылу жолы

Веб-сайтымызда және басқа Қызметтерде cookie-файлдар мен осыған ұқсас қадағалау технологияларын пайдаланамыз.
1. Cookie-файлдар деген не?
Cookie-файлдар Қызметтерімізден жіберілетін және құрылғыңызда сақталған шағын мәтіндік файлдар. Қызметтерімізде «cookie-файлдар» және пиксельдік тег пен веб-қоңыздар сияқты басқа технологиялар (бірге «Cookie-файлдар» деп аталады) пайдаланылуы мүмкін. Cookie-файлдар компьютеріңізде сақталуы мүмкін. Біз орнатпаған cookie-файлдарға біз қол жеткізе алмаймыз.
2. Cookie-файлдардың пайдаланылу жолы
Біз және үшінші тарап серіктестеріміз Cookie-файлдарды пайдаланып, құрылғыңыздағы мобильді бағдарламалық құралдардың функцияларын жақсы түсінеміз, Қызметтерімізді пайдалану және оларға қатысты әрекет ету жолыңызды бақылап және талдап, оларды әрі қарай жақсарту (мысалы, Қызметтерді пайдалану жиілігіңізді, Қызметтерімізде орын алатын оқиғаларды және қолданбаның жүктеп алынған жерін ақпаратты бағалау) мүмкіндігіне ие боламыз. Аналитикалық бағдарламаларда сақталатын ақпаратты мобильді қолданбалардың ішінде жіберіле алатын ешбір жеке деректеріңізге байламаймыз.
Біз және үшінші тарап серіктестеріміз Cookie-файлдарды пайдаланып, трендтерді талдаймыз, веб-сайттарды басқарамыз, осы веб-сайттардағы пайдаланушылардың әрекеттерін қадағалаймыз және пайдаланушылар қорымыз туралы жиынтық демографиялық ақпарат жинаймыз.
3. Жеке деректердің жиналатын түрлері
Осы ақпаратқа Интернет протокол (IP) мекенжайлары, браузер түрі, Интернет қызметінің провайдері, сайтымызға кіру / сайтымыздан шығу үшін пайдаланылған беттер, сайтымызда қаралған файлдар (мысалы, html беттер, графиктер, т.б.), операциялық жүйе, күн/уақыт белгісі және/немесе сайтқа кіріп-шығу жайлы деректер кіруі мүмкін.
4. Үшінші тараптардың қадағалауы және онлайн жарнама
Веб-сайттарымызда және қолданбаларымызда жарнама көрсету немесе басқа сайттардағы жарнамамызды басқару үшін үшінші тараптармен серіктесеміз. Шарлау әрекеттеріңізге және қызығушылықтарыңызға қарай жарнама көрсету үшін, үшінші тарап серіктестеріміз cookie-файлдарды немесе ұқсас қадағалау технологияларын пайдалануы мүмкін. Қызығушылыққа сай көрсетілетін жарнамадан бас тартқыңыз келсе, Cookie-файлдарды келесі параграфта сипатталғандай басқаруыңызға болады. Қызығушылыққа сай көрсетілетін жарнамадан бас тарту енді құрылғыңызда жарнама көрсетілмейтінін білдірмейді, ол жарнамалар енді қызығушылықтарыңызға бейімделмейтінін ғана білдіреді.
5. Cookie-файлдарды өшіру/ажырату
Мобильді құрылғыңызға және операциялық жүйеңізге қарай cookie-файлдардың бәрін жоя алмауыңыз немесе бөгей алмауыңыз мүмкін. Бүкіл cookie-файлдардан бас тарту шешімін қабылдасаңыз, Қызметтеріміздің функцияларын толық пайдалана алмайтыныңызды ескеріңіз. Осы параметрлер әдетте браузеріңіздің «Опциялар» немесе «Қалаулы параметрлер» мәзірінде болады.
Төменде белгілі танымал браузерлерде cookie-файлдарды басқару бойынша нұсқаулар берілген:
• Microsoft Internet Explorer
• Microsoft Edge
• Mozilla Firefox
• Google Chrome
• macOS операциялық жүйесіне арналған Safari
• iOS операциялық жүйесіне арналған Safari
Cookie-файлдар туралы қосымша ақпаратты және браузерді cookie-файлдарды қабылдайтындай, жоятындай немесе қабылдамайтындай конфигурациялау бойынша нұсқауларды www.allaboutcookies.org. веб-сайтынан қараңыз.
Cookie-файлдарды жою немесе бөгеу қадағалау технологияларының барлық түрлеріне, мысалы, HTML5 сияқты localStorage веб-қойма объектілеріне жарамды болмайтынын ескеріңіз.
Браузеріңізде «Қадағаламау» функциясы қосылып тұрса, осы талабыңызды орындаймыз.
Заң бойынша талап етілген жағдайда, сізге cookie-файлдар туралы қосымша ақпарат береміз.

Жеке деректеріңіздің сақталу мерзімі

Заң бойынша ұзағырақ сақтау мерзімі талап етілмесе, жеке деректеріңізді осы Құпиялылық туралы хабарламада көрсетілген жиналу мақсатына жетуге қажетті мерзім бойы сақтаймыз. Заң бойынша жеке деректеріңізді осы мерзімнен ұзақ (мысалы, салық және сауда заңдарында көрсетілген себептерге байланысты) сақтауымыз қажет болса, осы сақтау мерзімі аяқталған соң жеке деректерді жоямыз.
Жоғарыда аталған сақтау мерзімдері аяқталған соң, жеке деректеріңізді жоямыз немесе анонимді етеміз.
Жеке деректерді сақтаудың тиісті мерзімін анықтау үшін, жеке деректердің көлемін, сипатын және құпиялылығын, жеке деректеріңізді рұқсатсыз пайдалану мен олардың мәлім болуынан болатын зиянның ықтимал қаупін, жеке деректердің өңделу мақсаттарын және қолданыстағы заң талаптарын есепке аламыз.
Жарнамалық хаттарымызды алуға тіркелген соң, жарнамалық хаттарды алу жазылымынан бас тартсаңыз, жеке деректеріңізді хат жіберу тізімдерімізден жоямыз. Дегенмен, осыдан кейін хат-хабар алмауыңыз үшін электрондық поштаңыздың мекенжайын блоктау тізімінде сақтаймыз.

Жеке деректеріңіздің мәлім етілу жолы

Кейде, сізге Қызметтерді көрсету үшін OPPO компаниясы белгілі жеке деректерді біз басқаратын немесе бізбен ортақ басқарылатын басқа компанияларға («Филиалдар») және OPPO компаниясымен жұмыс істейтін басқа үшінші тараптарға береді. Жеке деректеріңіз үшінші тараптарға олардың бөлек маркетингілік мақсаттарына берілмейді.
• Филиалдар: Сізге Қызметтерімізді көрсету үшін жеке деректеріңіз OPPO филиалдарына берілуі мүмкін. Филиалдар өңдеу мақсатын өзгерткісі келсе, басқа заңды негіз болмаған кезде сізден келісім сұрайды.
• Қызмет көрсетушілер және серіктестер: Кей Қызметтеріміз үшінші тараптардың көмегімен көрсетіледі. Сізге жақсы қызмет көрсету және пайдаланудан алатын әсеріңізді жақсарту үшін кей жеке деректерді серіктестерімізге бере аламыз. Мысалы, қауіпсіздік орталығы қолданбасын пайдаланған кезіңізде, үшінші тарап қызмет көрсетушілер вирустарды іздеу және телефоныңыздағы жадты босату үшін қолданылады немесе үшінші тарап қызмет көрсетушілерді тартып сізге жақсартылған клиенттік қызмет көрсетеміз. Сонымен қатар, нысаналы жарнамаларды анықтау және жүзеге асыру, пошталық қызметтерді көрсету, салық және есеп қызметтерін көрсету, конкурстарды өткізу, веб-хостинг немесе аналитикалық қызметтерді көрсету жұмыстарын қызмет көрсетушілерге сеніп тапсыруымыз мүмкін. Тиісті деректерді өңдеу туралы келісімдер арқылы осындай кез келген қызмет көрсетуші дербес контролер ретінде әрекет еткеннен басқа жағдайда жеке деректерді тек OPPO компаниясының атынан және нұсқауларымыз бойынша өңдеуге ғана міндетті болады.
• Бизнес-транзакцияға байланысты сатып алушылар мен үшінші тараптар: Бірігу, активтерді сатып алу, банкроттықты жою немесе осыған ұқсас іс-әрекеттер орын алған жағдайда, жеке деректеріңізді тиісті үшінші тарапқа шектеулі, бірақ қажетті дәрежеде бере аламыз немесе мәлім ете аламыз.
• Құқық қорғау органдары, реттеуші органдар және заңды себептер бойынша басқа тараптар: Сонымен қатар, заң бойынша талап етілсе немесе осындай әрекет (а) сотқа шақыру қағазының талаптарын, сотта қаралған басқа істің, сотқа берілген талап-арызды немесе мемлекеттік органдардың талаптарын орындау үшін; (b) ақпаратты мәлім ету заң мен құқық қорғау органдарының ақылға қонымды талаптарын орындауға қажетті екеніне шын көңілмен сенген кезімізде; (с) заңды талаптарымызды, құқықтарымыз бен мүлкімізді қорғау және жүзеге асыру үшін; (d) сіздің немесе басқа тұлғалардың құқықтарын, мүлкін немесе жеке қауіпсіздігін қорғау үшін; (e) алаяқтық жағдайды тергеу үшін; (f) Қызметтеріміздің қауіпсіздігін немесе тұтастығын қорғау үшін қажет деп есептесек, үшінші тараптарға жеке деректеріңізді мәлім етуіміз мүмкін.
• Белгілі қоғамдық орындарда жарияланған кезде, қоғам: Кей Қызметтеріміз сізге басқа адамдармен қарым-қатынас орнатып, әрекеттесуге мүмкіндік береді. Профиліңіз туралы ақпаратыңызға немесе форумға не блогқа жариялаған ақпаратыңызға, соның ішінде жеке деректеріңізге басқа пайдаланушылар немесе жалпы жұртшылық оны жасаған кезіңізде қол жеткізе алатын болады. Мұндай контентке жалпы жұртшылық немесе Қызмет мүшелері пайдаланылатын Қызметке қарай қол жеткізе алатын болады.
• Келісім алып өзгеше мәлім ету: Жеке деректеріңізді сізден келісім алып, басқа үшінші тараптарға мәлім ете аламыз.

VII

Жеке деректеріңіздің бүкіл әлемге жіберілу жолы

1. Дүниежүзіндегі ресурстарымыз бен серверлеріміз негізінде Қызметтерді ұсынамыз: Францияда, Сингапурде, Үндістанда және Индонезияда дерек орталықтарын құрдық, яғни қолданыстағы заңдарға сәйкес жеке деректеріңіз Қызметтерімізді пайдаланған жеріңіздің сыртындағы елдерге не өңірлерге жіберілуі немесе оларға сол жақтан қол жеткізілуі мүмкін.
2. Түрлі елдерде немесе өңірлерде деректерді қорғаудың түрлі деңгейлері қамтамасыз етілетінін ескеріңіз. Бұл әсіресе жеке деректеріңіз белгілі жағдайларда орналасқан еліңіздегідей немесе өңіріңіздегідей жеке деректеріңізді қорғай алмайтын елде сақталуы мүмкін екенін білдіреді. Дегенмен, мұндай жағдайларда біз жинайтын жеке деректердің осы Құпиялылық туралы хабарламаның және қолданыстағы заңдардың талаптарына сәйкес өңделуін және жеке деректеріңіздің жеткілікті түрде қорғалуын қамтамасыз ететін шаралар қолданамыз. Мысалы, жеке деректеріңізді басқа елдерге жіберу үшін рұқсатыңызды сұрауымыз мүмкін, тиісті қауіпсіздік шараларын (мысалы, мүмкін болғанда шифрлау, деидентификация процестерін) қолданамыз және жіберу алдында жеке деректеріңіздің алушыларымен деректерді жіберу / бөлісу туралы қажетті келісімдерге қол қоямыз. Атап айтқанда, белгілі елде немесе өңірде деректерді жергілікті түрде сақтауға міндеттейтін заң талаптарының орындалуын қамтамасыз етеміз.

VIII

Жеке деректеріңіздің қорғалу жолы

Жеке деректеріңіздің қауіпсіздігі біз үшін аса маңызды. Қызметімізге байланысты жиналған жеке деректерді қорғау және оларды кездейсоқ немесе заңсыз бүлінуден, жоғалудан, өзгертуден, рұқсатсыз мәлім болудан немесе қол жеткізуден қорғау үшін саладағы стандарттарға сәйкес практикалық тұрғыдан ақылға қонымды техникалық және ұйымдастырушылық шаралар қолдандық. Дегенмен, жеке деректеріңізді қорғау үшін ақылға қонымды шараларды қолданғанымызға қарамастан, ешбір веб-сайт, интернет арқылы жіберу процесі, компьютерлік жүйе немесе сымсыз байланыс толықтай қауіпсіз болмайды. Атап айтқанда:
• Мүмкін болса, басқа ұйымдар немесе жеке тұлғалар жеке деректердің негізінде тұлғаңызды анықтай алатын жағдайларды азайту үшін жеке деректеріңіздің деиндефикациясын жасаймыз. Жеке деректеріңізді рұқсатсыз қол жеткізуден, пайдаланудан немесе мәлім болудан қорғау үшін сақтау және жіберу кезінде (мысалы, көптеген Қызметтерді шифрлау үшін SSL пайдалану арқылы) толық қауіпсіз шифрлау процедурасын іске асыруымыз мүмкін. Түрлі жүйелеріміз бен жеке деректеріңізді заңсыз қол жеткізуден немесе бүлдіруден қорғау үшін жеке деректердің жиналуына, сақталуына және өңделуіне қатысты ережелерді (соның ішінде физикалық қауіпсіздік шараларын) үнемі тексереміз.
• Осындай жеке деректерді өңдеу немесе сізге тиісті Қызметтерді көрсету үшін OPPO қызметкерлеріне және мақұлданған сервистік компаниялардың персоналына осындай жеке деректерге олар білуге тиісті дәрежеде ғана қол жеткізуге рұқсат етеміз. Осы қызметкерлер және бөгде персонал құпиялылыққа қатысты қатаң келісімшарттық міндеттемелерге бағынады. Осы міндеттемелерді орындамаса, олар жауапкершілікке тартылуы және/немесе олардың OPPO компаниясымен еңбек қарым-қатынасы тоқтатылуы мүмкін.
• Жеке деректердің белгілі санаттарын жіберген және сақтаған кезде, жіберілетін контентті шифрлау сияқты қосымша қауіпсіздік шараларын қолданамыз. Жеке биометриялық мәліметтеріңіздің маңызды компоненттерін (яғни бет әлпетіңізге / саусақ іздеріңізге қатысты бүкіл ақпаратты қоса алғанда, өңделмеген деректерді емес, адамды жеке-жеке анықтауға қажетті негізгі параметрлерді) ғана сақтау үшін техникалық шараларды қолданып жеке биометриялық мәліметтеріңізді өңдейміз.
• Бизнес-серіктестерімізді және қызмет көрсетушілерімізді мұқият таңдаймыз, олар жеке деректерді қорғау бойынша жеткілікті дәрежеде міндеттеме алғанына және олардың құпиялылықты қорғау бойынша аудит пен бағалау процедураларынан өтетініне кепілдік береміз.
• Қызметкерлердің жеке деректерді қорғау мәселесінде хабардар болуы мен тәжірибесін арттыру үшін қауіпсіздік пен құпиялылықты қорғау бойынша тренинг, сынақ және басқа іс-шаралар өткіземіз.
• Халықаралық және салада қабылданған стандарттарды пайдаланып, жеке деректеріңізді қорғаймыз және тиісті қауіпсіздік пен құпиялылық қорғанысының сертификаттарын активті түрде тапсырамыз.
Жеке деректердің қауіпсіздігіне қатысты оқиға орын алған жағдайда, қолданыстағы заңдарға сәйкес әрекет етіп, қажет болғанда сізге және/немесе деректерді қорғау жөніндегі құзыретті органға осындай қауіпсіздік оқиғаларының барлығын хабарлаймыз және олардың салдарынан туындаған қауіп-қатерді азайту шараларын қолданамыз.

Жеке деректеріңізге қатысты сіздің құқықтарыңыз

1. Юрисдикцияңыздағы қолданыстағы заңға сәйкес, жеке деректеріңізге қатысты белгілі құқықтарыңыз болуы мүмкін. Атап айтқанда, оларға келесі құқықтар кіруі мүмкін:
• Хабардар болу құқығы: OPPO компаниясы осы Құпиялылық туралы хабарламаны жариялап жеке деректеріңіздің өңделу жолын және жеке деректеріңізге қатысты сізде бар таңдаулар мен құқықтарды сізге хабарлады.
• Қол жеткізу құқығы: Жеке деректеріңізге қол жеткізгіңіз келсе, кей Қызметтерімізде белгілі жеке деректерді тікелей іздеуге немесе оларға қол жеткізуге мүмкіндік беретін Интерфейс қамтамасыз етілген. «Бізге хабарласу жолы» бөлімін пайдаланып бізге хабарласу арқылы біздегі сіз туралы жеке деректерге және олардың өңделуі туралы ақпаратқа қол жеткізуге өтініш беруіңізге де болады.
• Түзетулер енгізу құқығы: Сіз туралы өңделетін жеке деректердің қате немесе толық емес екенін анықтасаңыз, негізсіз кідіріс жасамай түзетулер енгізуімізді және қатысты болғанда жеке деректеріңізді толтыруымызды талап етуге құқылы боласыз.
• Құрылғының параметрлері арқылы немесе бізге хабарласу арқылы Пайдалану әсерін жақсарту бағдарламасынан кез келген уақытта шығуыңызға болады: (төмендегі «Бізге хабарласу жолы» бөлімін қараңыз). Сіз Бағдарламадан бас тартқаннан кейін, Бағдарлама үшін құрылғыңыздан жиналған бүкіл деректерді жоямыз немесе аноним етеміз.
• Маркетингілік хат-хабар алудан бас тарту: Жарнамалық хат-хабар алғыңыз келмесе, әр жарнамалық хабарда сипатталған тәсілмен осындай маркетингілік хат-хабардан кез келген уақытта бас тартуыңызға болады.
2. Орналасқан жеріңізге қарай жеке деректеріңізге қатысты қосымша заңды құқықтарға ие болуыңыз да мүмкін. Осыған байланысты, Еуропада тұрсаңыз, GDPR талаптарына қатысты бөлімді қараңыз.
3. Өтініш бергіңіз келсе, оны https://www.oppo.com/kzkk/privacy-feedback/ веб-парағы арқылы қол жеткізуге болатын Дерек субъекті өтініштерінің платформасы («ДСӨ платформасы») арқылы жіберуіңізге болады.
4. Қауіпсіздікті қамтамасыз ету үшін, өтінішіңізді өңдеу алдында жеке басыңызды растауыңызды талап етуіміз мүмкін екенін ескеріңіз.
5. Алынған жауап көңіліңізден шықпаса, белгілі юрисдикцияларда тиісті реттеуші органға шағым түсіруге құқылы болуыңыз мүмкін.
6. Негізінде, ақылға қонымды өтінішіңізге жауап беру үшін ақы алмаймыз. Дегенмен, ақылға қонымды шектен асатын бірнеше және қайталанатын өтініштер үшін өтініштің сипатына қарай кей шығындарымызды жабу үшін қисынды ақы алуымыз мүмкін. Өтініштерді толықтай немесе бір бөлігін қабылдамай тастауға құқылы болуымыз мүмкін және айқын негізі жоқ, көп қайталанатын немесе лайықсыз көп техникалық күш жұмсауды талап ететін (мысалы, жаңа жүйелер әзірлеуді қажет ететін) өтініштерді қабылдамай тастауымыз мүмкін. Бұған қоса, қоғамдық мүдденің маңызды мәселелеріне тікелей қатысы бар немесе сіздің немесе басқа жеке не заңды тұлғалардың заңды құқықтары мен мүдделеріне елеулі зиян келтіре алатын сұрауларға жауап бермеуіміз мүмкін.

Балалар жеке деректерінің өңделу жолы

1. Қызметтеріміз көбінесе ересектерге арналған. Ешбір бала заңды қамқоршысының келісімін алмай Қызметтерімізді пайдалана алмайды. 18 жасқа (немесе тиісті юрисдикциядағы толық құқықтық қабілетке ие болудың ең төменгі жасына) толмаған кез келген адамға бала ретінде қараймыз.
2. Баланың жеке деректері жиналғаны жайлы хабардар болғанымызда, тиісті деректерді барынша тез жоямыз.
3. Бізде балаға қатысты жеке деректер болуы мүмкін деп есептесеңіз, «Бізге хабарласу жолы» бөлімінің көмегімен бізге хабарласыңыз.

Үшінші тарап веб-сайттары

1. OPPO қызметтерінің құрамында үшінші тарап веб-сайттарына, өнімдеріне және қызметтеріне апаратын сілтемелер болуы мүмкін. Үшінші тараптар ұсынатын веб-сайттарға, өнімдерге және қызметтерге кіріп-кірмеуді немесе қабылдап-қабылдамауды таңдауыңызға болады. Мысалы, ресми веб-сайтымыздағы «Бізді қадағалаңыз» функциясы арқылы OPPO компаниясы жариялайтын маркетингілік немесе жарнамалық ақпаратты көру мүмкіндігін беретін ресми әлеуметтік желі тіркелгілерімізге (мысалы, Facebook, Instagram, LinkedIn, Twitter, т.б.) қол жеткізесіз.
2. Үшінші тараптардың құпиялылық пен деректерді қорғау ережелерін басқармаймыз және олардың ережелері үшін ешқандай жауапкершілік немесе міндеттеме қабылдамаймыз. Сонымен қатар, мұндай үшінші тараптар осы Құпиялылық туралы хабарлама талаптарына бағынбайды. Жеке деректерді үшінші тараптарға бермей тұрып, осындай үшінші тараптардың құпиялылықты қорғау ережелерін оқып шығуыңызды қатаң түрде ескертеміз.

XII

Осы Құпиялылық туралы хабарламаның жаңартылу жолы

Осы Құпиялылық туралы хабарламаны ара-тұра жаңартуға немесе өзгертуге құқығымыз бар. Қажет болған жағдайда, сізге осы Құпиялылық туралы хабарламаға жасалған маңызды жаңартулар туралы хабарландырулар жібереміз, сондай-ақ осы Құпиялылық туралы хабарламаның басында «соңғы жаңартылған күні» датасын өзгертеміз.

XIII

Бізге хабарласу жолы

Құпиялылық туралы хабарламамызға немесе ережелерімізге қатысты сұрақтарыңыз немесе күмәндарыңыз болса, ДСӨ платформамыз арқылы сұрауыңызды жіберіңіз (https://www.oppo.com/kzkk/privacy-feedback/)
ал Еуропада орналасқан болсаңыз
OROPE Germany GmbH
Graf-Adolf-Platz 15, 40213 Düsseldorf, Германия
Алушы: Талаптардың орындалуына жауапты маман
Шешілмеген және біз қанағаттанарлық түрде қарастырмаған құпиялылық немесе деректерді пайдалануға қатысты мәселеңіз бар болса, АҚШ-тағы үшінші тараптардың дауларын шешетін провайдерге https://feedback-form.truste.com/watchdog/request мекенжайы бойынша (тегін) хабарласыңыз.

GDPR-ге қатысты ережелер

Төмендегі талаптар Еуропа тұрғыны болсаңыз ғана сізге қолданылады.

Жеке деректерді өңдеудің заңды негіздері

Жеке деректеріңізді «Жеке деректеріңіздің пайдаланылу жолы» бөлімінде сипатталғандай өңдеуіміздің заңды негіздері төмендегідей болады:
1. Келісім: Жеке деректеріңізді сізден келісім алу негізінде өңдей аламыз. Пайдалану әсерін жақсарту бағдарламасына қатысқан кезіңізде, сонымен қатар белгілі Қызметтерді, соның ішінде орналасқан жер туралы ақпарат жиналатын қызметтерді пайдаланған кезіңізде жарнамалық хабарлар жіберу сияқты жағдайларда жарнамалық іс-шараларымызға байланысты сізден келісім сұрауымыз мүмкін. Келісім бермеуге немесе оны кез келген уақытта қайтарып алуға құқылысыз. Келісіміңізді қайтарып алсаңыз, қайтарып алуға дейінгі жеке деректеріңізді пайдалануымыз заңды болып қала береді. Жеке деректеріңізді пайдалануымызға келісім берген болсаңыз, оларды тек келісім беру мәлімдемесінде көрсетілген мақсаттарда пайдаланамыз. Деректерді келісіміңіз негізінде өңдесек, ал сіз келісіміңізді бермесеңіз немесе қайтарып алсаңыз, біз осыған қатысты қызметті көрсете алмайтынымызды ескеріңіз. Бұған қоса, бастапқыда келісім бермеуіңіздің де, қайтарып алуыңыздың да сізге теріс әсері болмайды.
2. Келісімшарт талаптарын орындау немесе сізбен келісімшартқа отыру:
Келесі жағдайларда осы заңды негізге сүйенеміз:
• OPPO қызметтерін сізге көрсету, тапсырыстарыңызды өңдеу немесе OPPO мен араңыздағы келісім талаптарын орындау;
• сатып алған Қызметтеріңізді, кепілдік қызметіңізді және арнайы бағдарламалық құрал лицензияларын іске қосу және бағдарламалық құрал жаңартулары туралы хабарландырулар беру;
• өткізетін жүлде ұтыстарымызға, конкурстарымызға немесе соған ұқсас жарнамалық шараларымызға қатысуыңызға рұқсат беру және оны басқару;
• өнім мәселелерінің диагностикасын жасау, клиенттің жабдығын жөндеу және басқа клиенттік күтім және қолдау қызметтерін көрсету.
3. Заңды міндеттемені орындау: OPPO компаниясы деректерді салық заңдары бойынша немесе коммерциялық мақсаттарда сақтауы қажет болған жағдайлар сияқты OPPO жеке деректерді заңды міндеттемелерімізді орындау үшін өңдеуге міндетті болуы мүмкін.
4. Заңды мүдделер: жеке деректеріңізді OPPO компаниясының заңды мүдделері үшін де өңдеу қажет болуы мүмкін. Мұндай жағдайларға төмендегілер кіруі мүмкін:
• пайдаланудан алатын әсеріңізді жақсарту үшін клиенттер арасында сауалнамалар жүргізу;
• өнімнің маркетингі мен жарнамасын жасау үшін пайдаланушылар Қызметтерімізді пайдаланатын елдің негізінде клиенттік нарықты, соның ішінде пайдаланушылардың санын талдау;
• бизнес-операцияларымыздың тиімділігін талдау;
• телефонның сапасын және қолданба функцияларын жақсарту үшін қателік журналдарын талдау;
• сізге персоналды қызметтерді көрсету және Қызметтерімізде сізге бейімделген контент пен жарнамаларды ұсыну және көрсету;
• бізге кез келген тәсілмен жіберілген сұрақтарыңызға немесе комментарийлеріңізге жауап беру және сізбен тілдесу;
• Қызметтеріміздің жұмысы мен қауіпсіздігін қамтамасыз ету;
• жеке басыңызды растау;
• ішкі аудит жүргізу және алаяқтық жағдайлардың, кибер қауіп-қатердің немесе басқа жөнсіз пайдалану жағдайларының алдын алу және тергеу;
• өнімнің функцияларын жақсарту, пайдалану ыңғайлылығы, жұмыс өнімділігі, функциялар мен құрылысы тұрғысынан өнімді жақсарту сияқты Қызметтерімізді, соның ішінде қауіпсіздік функцияларын жетілдіру, жақсарту және дамыту;
• сотқа талап-арыздар беру немесе олардан қорғану.
Жеке деректеріңізді осындай негіздерге сүйене отырып өңдеген кезде, бұны сіздің жеке өмірге қол сұғылмаушылық құқығыңызға қатысты мүдделерімізді тиісті түрде бағалап және ескеріп қана орындаймыз.

Жеке деректеріңіздің бүкіл әлемге жіберілу жолы туралы қосымша ақпарат

Жеке деректеріңіз Еуропаның сыртында орналасқан юрисдикцияларға жіберілсе, төмендегідей тиісті қорғау шараларының болуын және қолданылуын қамтамасыз етеміз:
1. жеке деректердің алушысы Еуропалық комиссияның «қолданылған шаралар жеткілікті» бағасына ие болған елде орналасады;
2. алушы Еуропалық комиссия бекіткен «үлгі келісімшарттық баптар» негізіндегі келісімшартқа қол қояды және соған байланысты жеке деректеріңізді қорғауға міндетті болады;
3. ал жоғарыда аталған тиісті қауіпсіздік шаралары жоқ болса, жеке деректеріңіздің басқа елге жіберілуіне анық келісім беруіңізді сұраймыз немесе жеке деректеріңізді қорғаудың жеткілікті деңгейін қамтамасыз етеді деп танылған басқа барлық шараларды қолданамыз.
Жеке деректерді Еуропа сыртындағы елдерге жіберуге қатысты қауіпсіздік шаралары туралы қосымша ақпаратты ДСӨ платформасы арқылы өтініш жіберіп қарауға болады (https://www.oppo.com/kzkk/privacy-feedback/).

III

Cookie-файлдар мен басқа қадағалау технологиялары туралы қосымша ақпарат

Cookie-файлдар мен басқа іздеу технологияларының пайдаланылуы туралы толық ақпарат алғыңыз келсе, Cookie-файлдарға қатысты саясатымызды оқыңыз.

Жеке деректерге қатысты сіздің құқықтарыңыз туралы қосымша ақпарат

GDPR бойынша заңды талаптарға сәйкес, сіздің келесі құқықтарыңыз бар:
• Қол жеткізу құқығы: Біздегі сіз туралы жеке деректерге қол жеткізу мүмкіндігін сұрай аласыз.
• Түзетулер енгізу құқығы: Сіз туралы өңделетін жеке деректердің қате немесе толық емес екенін анықтасаңыз, негізсіз кідіріс жасамай түзетулер енгізуімізді және қатысты болғанда жеке деректеріңізді толтыруымызды талап етуге құқылы боласыз.
• Өшірту құқығы: Бізге жеке деректерді жою туралы өтініш жіберуіңізге болады, әрі жеке деректерді қолданыстағы заңдар мен нормалар бойынша әрі қарай өңдеуге заңды себебіміздің жоқ болуы сияқты кей жағдайларда оларды негізсіз кідіріс жасамай өшіруге міндетті боламыз. Құрылғыңыздағы барлық деректерді жойсаңыз да, бұл OPPO сіз туралы жинайтын және өңдейтін бүкіл деректерді жойғаныңызды білдірмейтінін ескеріңіз. Сондықтан бізге хабарласып (жоғарыдағы «Бізге хабарласу жолы» бөлімін қараңыз), жеке деректеріңіздің жойылуын талап етуге шақырамыз.
• Өңдеуге шектеу салу құқығы: Жеке деректердің дұрыстығына дау айтқан кезіңіз сияқты белгілі жағдайларда, OPPO компаниясынан осы жеке деректердің дұрыстығын тексеруге мүмкіндік беретін мерзімге жеке деректеріңізді өңдеуімізге шектеу салуды сұрауға құқылысыз. Болашақта тыйымға қатысты өтінішіңізді сақтауымыз үшін қажетті мөлшердегі деректерді сақтаймыз немесе қажетті деректерді ғана өңдейміз.
• ҚАРСЫЛЫҚ БІЛДІРУ ҚҰҚЫҒЫ: белгілі бір жағдайыңызға байланысты заңды мүдделер негізінде орындалын кез келген өңдеу процесіне кез келген уақытта қарсылық білдіруге құқылысыз. Жеке деректеріңіздің өңделуіне қарсылық білдірсеңіз, ал біз жеке деректеріңізді әрі қарай өңдеу бойынша мүдделеріңізден, құқықтарыңыз бен еріктеріңізден басым болатын дәлелді себептер көрсете алмасақ, әрі заңды талап-арыздарымызды белгілеген, іске асырған немесе қорғаған жағдайлардан басқа кезде сізге қатысты жеке деректерді өңдеуді тоқтатамыз. Кез келген уақытта кез келген себепке байланысты тікелей маркетингілік іс-шараларға қарсылық білдіруіңізге болады.
• Деректерді тасымалдау құқығы: Жеке деректеріңіздің құрылымды, кең тараған және машина оқи алатын форматтағы көшірмесін алуға және мұндай деректерді басқа провайдерге жіберуге немесе белгілі жағдайларда осындай деректерді басқа провайдерге жібертуге құқылысыз.
• Келісімді қайтарып алу құқығы: Жеке деректеріңізді өңдеуге келісіміңізді беріп, бірақ кейін ойыңызды өзгертсеңіз, кез келген уақытта келісіміңізді қайтарып алу құқыңыз бар. Келісіміңізді қайтарып алсаңыз, қайтарып алуға дейінгі жеке деректеріңізді пайдалануымыз заңды болып қала береді. Жарнамалық хат-хабарларды алуға қатысты берген келісіміңізді қайтарып алғыңыз келсе, әр жарнамалық хабарда сипатталған тәсілмен жазылымнан бас тартуыңызға болады. Берген келісіміңізді қайтарып алсаңыз, сізге тиісті Қызметті көрсете алмауымыз мүмкін.
• Шағым түсіру құқығы: Құзыретті қадағалау органына жеке деректеріңізді пайдалану немесе өңдеу жолымызға қатысты шағым түсіруге немесе юрисдикцияңыздағы сотқа беруге құқылысыз. Жергілікті деректерді қорғау жөніндегі қадағалау органына хабарласу жолы туралы ақпарат мына жерде берілген.

Деректерді қорғау жөніндегі қызметкердің байланыс мәліметтері

Өтінішіңізді Дерек субъекті құқықтарының платформасы (https://www.oppo.com/kzkk/privacy-feedback/) арқылы жіберуіңізге болады немесе деректерді қорғау жөніндегі қызметкерімізге келесі мекенжай бойынша хабарласуыңызға болады:
Collegium Auditores GmbH
Datenschutz OROPE
Wilhelmstrasse 74, 53721 Siegburg, Германия